لحظه قبل ماتروحين..!
دقيقه من فضلك قبل لا تروحين
عندي كلام ولازم تسمعينه
يمكن كلامي ينفعك عقب تقفين
ويمكن كلامي صعب ما تفهمينه
يمكني اكبر من خيالك وتدرين
اني كبير وعالمي تجهلينه
انا الذي جيتك على ما تمنين
عشق وقصيد وكل شي تبينه
لكن عقلك تاه واخطى العناوين
تهتي وانا اللي كنت احسبك فطينه
كتبت فيك الشعر يمكن تحسين
بس الشعر يا بنت وينك ووينه
واليوم ماني لاعن حظي الشين
ولاني بقايل قلبي الله يعينه
باقول جعلك في صدودك تمادين
لانك رخصتي عقب منتي ثمينه
ولاني عطيتك فوق ما تستحقين
لا بد اصون القلب عن عاذلينه
ولان وعندي للمحبه قوانين
لا يناسبك قلبي ولا تناسبينه
روحي وانا بروح لا بد تلقين
شخص مثل طبعك ولا تتركينه
ولي ابتعدنا عن بعض لا تظنين
اني على فرقاك نفسي حزينه
بالعكس انا ودي فرقاك من الحين
لن الجفااا حقك وتستاهلينه
شفتي وفا قلبي ولازم تشوفين
وشلون قلبي يحتقر خاذلينه
من باعني لا بد اوريله الشين
واقطع حباله لو حباله متينه
خلاص في نفسي ولا عاد تسوين
ولا عاد لك في القلب غير الضغينه
حتى لو اني قلت لك شيخه الزين
تاكدي في عيني اليوم شينه
وباختصرها جمله بين قوسين
( عشق على غير كرامه غبينه )
عيب على الرجال طرد المقفين
وعيب على الرجال بنت تهينه
واخر كلامي لازم انك تعرفين
اني كرهت العشق والعن سنينه
رد مع اقتباس
المشاركة الأصلية كتبت بواسطة حبي خالص
