الدقايق خرز والمسبحة ساعة
..........كنت اعد الخرز في سبحة حضورة
لين ثرّ الدقايق ســاعة أوداعه
..........حول ستين حبة عمر منثورة
بين طبع الرضا والسمع والطاعه
..........والزعل وإختلاف الرآي والثورة
دمعته تحت سيف الرمش خضاعه
..........وضحكته فوق غصن الثغر مغرورة
أن بكى سيف رمشه صار شماعه
..........وإن ضحك .. غصن ثغره طار عصفورة
وإن رضا صار ريح الليل وشراعه
..........وإن زعل صار موج الليل وبحوره
والغريب إني أستغرب من أطباعه
.......... لين عشته ظلام ومت في نوره
صار هو الزمان بلحظة إبداعه
.......... صار هو المكان وبابه وسوره
علّه السيل ليل سهيل واتباعه
..........كنت ابي صوت جاب الصوت والصوره
حي هالصوت يازفرات نعناعه
..........حي هالشوف ياحبـــات بلوره
والله ان ابرك الساعات هالساعه
..........وأنها أحلى سنين العمر وشهوره
وقتها الشعر لاتنشد عن أوضاعه
..........جاء يسولف على القمراء عن شعوره
كيف يقدر ينومها على ذراعه
.......... لين تصحى على تصفيق جمهوره
رد مع اقتباس
!
المشاركة الأصلية كتبت بواسطة عملاق الشعر
