من حق الشاب أن يتمنى من شريكة حياته أن تجيد الطبخ

[واحد بطران وشايف نفسه*]

السلام عليكم ورحمة الله وبركاته

بعض الشباب من المقبلين على زواج يتمنى يحصل زوجة تجيد الطبخ وأنا اقول من حقه صراحه
وأنا بعد اشترط كذا محد يقول همنا بطنا بس لكن ياخي حرام مهرها اكثر من 500الاف وهي تعرف تطبخ اندومي بس
وبعد نشوف بعض الازواج ماشاء الله عليهم مرتاحين بالاكل وأنواع وأشكال من زوجته
وجمال المراءة حينما تخلص لزوجها وتجعله فخرا لها
المهم اذا كان الموضوع يسئ لأحد الفتيات فهذه تعتبر وجهة نظرنا ومن حقنا نتمنى فشريكة العمر مواصفات معينة



تقديري لكم

[Raba]

الله يوفقك ..
وحلو المرأة تطعم زوجها من بيتها ويدها ع الأقل هو يجرب طبخها يحس أنها مهتمه فيه ..وبعدين لما تنجب أن شاء الله من بيطبخ لأولادها لازم تتعلم .. أنا مع المرأة تتعلم الطبخ وبلا ما تجيب عماله في البيت وراهن مشاكل ..
شكراً لك أخي تقبل ضي الشمس والمرور

[حنــان]

ههههه قولو لنفسكم ياخي
ليش ما تسألوا عن البنت قبل الزواج و عاد تنصدموا بعدين انها ماتعرف تطبخ!

بس هالشي من حقكم طبعا وواجب على البنت تتعلم الطبخ عشان نفسها اولا وبعدين عشان الزوج والعيال

[ايس كريم]

نا اشوف ان البنت ما يعيبها كونها ما تعرف تطبخ كل انواع الطعام وتجيده .. في هالوقت معضم البنات يكونون شطار في الطبخات البسيطة مثل انواع المعكرونة "الباستا ، البشمل ، سبقتي .. وغيرها " يعني الطبخات البسيطة والي اساسا مو من مطبخنا العُماني ...
ولا تنسون يا بنات مثل ما يقولون :
اقرب طريق الى قلب الرجل الكرشة .. اقصد المعدة ..
يعطيك العافيه

[❤ رصاصه روسيه ❤]

صحيح من حق الرجل يتزوج وحده تعرف تطبخ
م بمعنى انها طباخه وكل انواع الاكل تعرف تسويه
لا بس عيب ف مجتمعنا البنت مقبله للزواج وم تعرف تطبخ غير اندومي
ترا الزوج م بيخلصه كل يوم ع اندومي او اكل مطعم
يبي يغير ياكل من يد زوجته احسن من اكل مطاعم تسمم

[يحيائي10]

السلام عليكم ورحمة الله وبركاته

ما شاء الله موضوع وان كان فاعتبره من المواضيع المهمة التي تلامس الحياه ولكي يكون هناك انسجام تام بين الزوجين فلا بد من الزوجه ان تتعلم الطبخ وخصوصا الموائد العمانية ....

لأن ما بعد عمل الزوج يجب عليه ان يرتاح في بيته وان يجب ما ياكله من عناء يوم حافل بالعمل والانجازات



الف شكر

[مائة بيسة]

جميل ان تتقن الفتاة الطهي..لطهو لشريك حياتها وأبناءها

[همسسة طفولة]

السلام عليكم ورحمة الله وبركاته ..

هذا ما يعيب البنت اذا ما تعرف تطبخ والاندومي بداية نحوو الابداع ف الطبخ هع واصلاا عيب البنت تروح بيت زوجهاا ما تعررف تطبخ يعني قبل لا تروح يعطوهاا دورس ويعلموهاا كل شي فالطبخ ...

وشكرا .. وجهة نظرر ..

[أبـوالولـــيـد]

أهلا بك عزيزي

إذا جينا على الزواج
الكل يتمنى ان يجد في شريك حياته المثال الاعلى في كل شيء
الحب والإحترام
وان تكون المرأة طباخة وتجيد التنوع فيه
هذا اكيد
بس تجري الرياح بما لا تشتهي السفن
أي ما كل شي تريده تحصله
إلا ما تجد شي ما تحبه في شريك حياتك بس مجبر تتقبله

[ملك رووووزي]

امممم هالمره ايه انا وياك ويا الشباب هالمره بالفعل لازم الوحده تعرف تطبخ وتحط الدلع ع جنب مب معناه تطبخ يعني دفشه وراح الدلع عادي م تحبين البلص والثوم م تبي تقطعيه انا مثلج بس نشوف حتى الزوج ممكن يساعدنا يقطع اللي احنا م نحبه المهم نطبخ م يصير مقضي حياتنا م المطاعم ويمرض الزوج ترا الرجال متعودين ع الضرب عيوش وغيره ربي يحفظهم يعني لكن اكل الشباب م يشبعهم اندومي وغيره .واذا الوحده تبي ترضي زوجها تطبخ وتخدمه ف هذا بالنهايه اجر لها وبيحبها زوجها اكثر مب لان همه بطنه او يبيها خدامه لا بس حلاتها الوحده وهي تخدم زوجها م مخلته محتاج شي .....
ودمتم سالمين وبنات دلع ايه بس عاد ارضي زوجج ترا هو يبي دلع بعد