ألملم دمــــعي الطاهر وأسرج من عناي خيول
واحط اللـــــــوم في وجه الزمان وقسوة أيامـــي
لـ/متى بشره على المقفي وسنابل هالغياب اطول
وأنا أحصد من زهر عمري وأشوف الموت قدامي
وتطويني ] سنين العمر [ وأطرد سحرها وأنــــــول
سراب التيه وأقدار الزمان وكذبة أحلامــــــــــــــي
حنيني لا أدلهم الليل يطلق صرخته ويحــــــــول
مابين اليأس وأحلام السنين وخطوة أقدامـــــــي
وتسرقني] سنين العمر[ تشريني ورى إيلـــــــــــــــول
وانا احرث بالدروب الممحلة عن بحري الظامي
وأرد اكذب على نفسي وأقول إن العنا محلـــول
وباكر ينحني غصن السنين وتزهر اعـــوامـــــــــي
ومر العام تلو العام وظروف الزمان سيـــــــــــــول
تعرّي ضحكتي وتجرف بقايا وقتي الدامـــــي ..!
وأنا واقف على جال الجروح الدامية وأقـــــول
عسى الأيام تنصفني وتبّقِي وقفت عظامـــــي ..!
رد مع اقتباس
!
