انتحآر النــور,,,
على أطلال السنيـن الماضيـة قبـل انتحـار النـور
رجعـت أفتِّـش أوراقٍ قديـمـة واحـيـي أوجـاعـي
أدوِّر عــن جــوابٍ للـسـؤال الحـاير المـقهـور
سؤالٍ يختنـق فينـي ... حـدوده لمسـة أضلاعـي
مشيـت بشـارع الغربـة ولا عيّنـت غيـر قـبـور
مشاعرنـا و شاعرنـا مـع المرسـال و السـاعـي
شوارع مظلمة... و بيوت طين ....و حيّنا المهجور
ومكانٍ كـان يجمعنـا ...شمـوخٍ طاح فـي القـاع
قعـدت أقـرا مكاتيـبٍ بهـا قلـوب و صـور لطيـور
وترسم للطيور دموع.....وكنت أشكي لها أوضاعـي
تجيـنـي مدنّـقـة خـجـلا عـلامـات الخـجـل بـلّـور
سقـى الله وردتيـنٍ من خجلهـا يِكـتـب ضيـاعـي
ولقيت أشياء قديمة كنت أخبيهـا صـور و عطـور
أخاف العود يلقاها و يطوي فـي الهـوى شراعـي
ودار الوقت ....وسنين الرضا صارت محَل ودهـور
ولو طِعنـا مشاعرنـا .... جنـون الوقـت مـا طـاعِ
تغيّرنـا ... و غيّرنـا نحسـب إن الجفـاف بـحـور
نحسـب النـور يسمـع لـو يطـول اللـيـل للـداعـي
علام الوقت يسرقنـا ؟ علامـه كـل أبـوه غـرور؟
علامه يسرق أشيائـي ؟ علامـه يسـرق أطباعـي ؟
علامـه غيّـر العالـم ؟؟ علامـه يكسـر المجـبـور؟
عـلام النـاس تِرضـي المستبـدّ وتِضحِـك الناعـي
ألا وين القلوب المشرقـة ... قبـل انتحـار النـور
ترى هـذا السـؤال اللـي حـدوده... لمسـة أضلاعـي
رد مع اقتباس
المشاركة الأصلية كتبت بواسطة رايق البال
