يانفس توبي وش بقا من لياليك
ليل(ن) مضى مايعود لقفا سواده
اليا متى الغفلات والموت قافيك
العمر زرع نهايته في حصاده...
يانفس شهواتك تغرك وتغديك
كم من سعيد(ن) وودته للقراده
وياعين ودي من يودك ويغليك
ومن لايودك لاترجي وداده....
وياقلب لايدري بسرك معاديك
واللي على دينك معاديك عاده
واللي حري(ن) بالمتاهات يرميك
يمشي معك لاما يحصل مراده...
وراع المصالح مانشد عن تواليك
لحتجت فزعاته تصيبه بلاده.....
ويانفس قلبي يشتكي من مشاحيك
وعيني تركز في نظرها زياده.....
لنك هويتي يصدق القلب طاريك
ومن يتبعك يانفس ماله اراده ..