اللـيـل سـتـر أهــل القـلـوب الـحـيـارى
اللـي تشاكـي ظلمتـة فيـض الأشــواق
لا غــرد الـقـمـري طـــرب للـسـهـارى
باحت عصافيـر الهـوى سـر الأعمـاق
تسجـع طـرب وتـنـوح نــوح الـعـذارى
من نوحها تسقط من الغصـن الأوراق
ياليـل كيـف العـشـق خلـفـك يــوارى؟
!مادمـت صـدر ٍ يحتضـن بـوح عـشـاق
يامـا علـى ضفـاف السهـر لـك تبـارى
قلـوب ٍ شكـت لوعـة ألـم هـم وفــراق
أنــا سهـرتـك حـــب شـهــد ومـــرارى
لـقـيـا وفـرقــا يـازمــن هـــاك مـيـثـاق
الـلـي ســرق قلـبـي شكيـتـه جـهــارى
ماهـمـنـي عـــاذل ولا هــــرج بــــواق
حـب الـشـرف ســرج لقـربـه مـهـارى
مـاشـامـت لـغـيــره ولا لآق بــأحــداق
جاتـه تـبـاري الـريـح والقـلـب غــارى
وشلون تسبق نبضته مهرة أشواق ؟!
الـحــب أسـمــى عـاطـفــة مـاتـجــارى
تخلـف مـوازيـن العـقـل كـيـف مــالآق
يجتـاحـنـي عـشـقـه لـواهـيـب نــــارى
عـيـا يطفـيـهـا مـــن الـوصــل تـريــاق
عـيــا جـمــر فـرقــاه يـحـسـم قـــرارى
وعيا الزمن يصفى.. للأحلام ماطـاق!