قل للسنين .. الغياب أحيان يبقى عذر
........... لاصار مانملك الا فالحضــور الشتات !
البارحة .. طشت يدين الحياة اش كثر
........... ملامح وجيه ضاقت في عيون الجهات !
مريت صبح يتهجا للمغيب القدر ..!
........... وعودت مكسـي سواد وخطــوتي للممــات !
ناديت بستان عمري عن بقايا ثمر
........... مر الخريف بــ/ يبــاس ولا بقــى الا فتات !
العمر مثل السحاب اللي علينا يمر
........... آحيان فيه الامل ..... واحيان مابه غناة !
يااااا,,, ... صدقيني ماذبحت الصبر
........... الا بعد طــار من غصن الليال الثبـــات !
ماكنت عايش عشان اترك لعمري أثر
........... أصلاً بقابي رحيـــل وماتت الذكريـــات !
ياليتني طفل لامني وطيت الجمــر
........... قالوا طفل مادرى به يحسب انه رفات !
ياااا,,, ... واذكريني مع ملوك الفقر
........... ياصار حلم المدينة من حصير أمنيات !
انا أول اللي صحى من نايمين الفجر
........... وأنا آخــر اللي وقف بالصف لجل الصلاة !
أنا أصدق الحزن لا غاب بخبايا عمر
........... منسي عن الناس لكن مانسته الحياة !
يااا,,, ... شاعرك تاريخ ميّت قهر
........... مدري نسته السنين او ضيعوه الرواة !
ياااا,,, ... صدّقيني ماكرهت الشعر
........... إلا بعد مارموا غصن الشعور بحصاة !
عيبي .. تركت الوصية لليال العسر
........... وعيب الليال العسيرة ماتحفظ الوصاة !
لو أكثر الحب لدروب الحقيقة عبر
........... ماعاش صوت الفراق بداخل الأغنيات !
قم غنّ حزن الكلام لعاشقين السهر
........... هذي هي دموعنا بين الخلايق عرات !
الفرحة وجيّتك مايوم جن بعمر
........... مع انهن في عيون الوقت عاشن خوات !
قم .. لاتقول الغياب أحيان ماهو عذر
........... باكر مع حضورهم بتعرف معنى الشتات !
رد مع اقتباس
المشاركة الأصلية كتبت بواسطة نسر البوادي
!