يابنت صحراء حبك أشواك ورمال *** وبحـر عينـك ساحلـه يصـفـق أمــواج
موجُ برمش العين منـه الكحـل سـال *** يكـسـف بقـمـرا تحـمـل العـقـد والـتـاج
وش ذنب حبٍ مـال فيـه الدهـر مـال *** وش ذنـب قلـبٍ ماخـذٍ وجهـك إسـراج
وش ذنـب خــدٍ تسكنـه حبـة الخـال *** وش ذنـب عقـد وتـاج مرمـي بـلـدراج
يا بنت انا أبكي والبكاء داخـل البـال *** وانتي بكيتي مـن عيونـك بـلا احـراج
صعب البكاء يابنت من عين رجّـال *** وصعـبٍ علـى قلـبٍ دمـه ينهـج إنهـاج
الحـب مــا يخـضـع لسـيـفٍ وخـيّـال *** الحـب يسكـن خاطـري كيـف ومـزآج
والعـشـق مـالـه قـيـد يابـنـت وقـفـال *** إلاّ الضلـوع العـوج تغـدي لـه إسـيـاج
عشقـت بنـت الـبـدو لبّـاسـت الـشـال *** عشقتـهـا مـــن غـيــر روجٍ ومـكـيـاج
مـن شفتهـا وانـا مـع الليـل لـو طـال *** أسهر بصمـت الليـل والحـرف هـراج
أشـرب مـرار العشـق فنجـال ودلآل *** ونثر حروف الشوق فـي قـاف وهّـاج
وانا اشهد إنّي طحت فالحب يرجـال *** طيـحـة أسـيـرٍ مـالـه إعـــدام وافـــراج
صرت الجمل من بعد ما كُنت جمّال *** أحمـل سنـام الـحـب والـحـزن هُــوداج
اعجبتني وحبيت انقلها لكم
رد مع اقتباس
المشاركة الأصلية كتبت بواسطة نوارة الكون
