-
مخنُوق
محتاج لـ / فضاك
ضايق بي الكُون الرحيب
يَ ودّي أطيير
بـ / سماك
وأنسى بك العالم وأغيب
أبيك ,
تاخذني / وياك
كل شيّ من بعدك مُريب
مدري
من ايديْ : من خذاك
وأصبحت
من دونك غريب
قلّه /
و لو طوّل , جفاك
تبقى حبيبي
... | لين أشيب
إذا نصيبيْ / مُو معاك ,
مالي مع غيرك نصيب !
كنتْ أبي كلمة
عشان أرضي غرُوري ،
كنتْ محتاجك وطنْ بس إنت شحّيتْ !
أنا ، متناقض
بـ / مآهيّة ، سرُوري ,
كنتْ أبرضى في غيابك ، بس / عيّيتْ !
كنتْ متمـزّق ،
وما همّك / حضُوري ,
انتظرتك نصف عُمري بس / مَ جيت !
إنت أكثر إنسان
ضحكني / وبكّاني ,
وإنت أكثر إنسان
يجرحني / وأحتاجه !
وأنا معك
راضي أعيشك عاطفة
مُجردة من كل شي أو تالفة !
ترسي البواخر في مُواني غربتي ،
وأحتاجلك وأدوّرك ..
واكتم حنيني وعَبرتي !
أنا أحبك فوق كل الأنظمة
إحساسي لك أكبر من إني أكتمه
فوق اللغة / فوق السكُوت
فوق الحياة : بكبرها / وبقصرها
أنا أحبك لين أمُوت !
يكفي أحبك بانجبار و باختيار !
أنا أحب أعيش معك الإنتظار ،
يكفي وجُودك عن وجود أية وجُود
بلا حدُود ولا وعُود !
لو المشاعر بانتظارك تالفة ،
اكتب لي شيّ !
أي شي بـ/ يخليني حيّ ,
حتى ولو ماتت حكايتنا بلاك
اكتب لي شيّ ,
قصة / قصيدة / خاطرة
عشان أرددها وأسولفها عليّ
حاول تخليني أحس إني
وأنا دوُنك / معآك !
النص :
يستحضر ويجلب كاتبه
تحاوره , تكلمه , تعاتبه !
اكتب لي شيّ ,
عشان تبقى لو تمُوت الذاكرة
عشان طيفك لو يرُوح أحاصره
عشان أجي لو ما قدرت إنك تجيّ
مُمكن قبل مَ نفترق أو نحترق ,
تكتب لي شيّ ؟
كم شخص قبلك رحل وليا رحل ما يجي
خذتـه الأيـام عـن عينـيْ .. و ما جابتـه
تغيّرت نظرتـي لـ العالم الخارجي
في العالم الداخلي ضيّعت بوّابتـه
الأشياء تمضي بي بأسلوُب* منهجي
بأسلوب ،* منطقيّ النهـج كتّـابتـه
ظلام مُوحش وأوحيت صُوتٍ شجي
ما فيه وردة بـ دربي بالغلط نابتـه
مدري يدك وين ساعدني بصعُود درجي
فتحت للناس باب ، وكل شيْ عابتـه
كل شيّ بيني وبينك راحْ وش ترتجي
تهز جذع الألم .. خل الحزن كابتـه
من عالمك قبل ترحل دلّني مخرجي
هذا الوطن للأسف لعنة وفاء صابتـه
مرتين من قبل هالمرّة تغيب وتجي
هالمرّة طوّلت ، يعني الثالثـة ثابتـه !
..
-
يَ كثر مَ أخلق لك
الأعذار وأرجع لك
لو أبتعد ,
كيف مُمكن : يبتعد طيفك ؟
كيفك :
- بتزعل ,
- بترضى ( شي راجع لك )
بس سالفة ما تبيني ,
مُو على كيفك !
- للمُوت
- للذكر
- للتاريخ
- لظنُونك ,
وجُودك , أجمل - حكاياتي الخيالية - !
أخطيت فعلاً
ومن حقك تعاقبني
ما فيه داعي
تفهّمني .. أنا فاهم
أحس بالبرد ..
مُو وقته تعاتبني
تعال ضمني شويْ بعدين نتفاهم
ليه علمتني
بالبُعد غيرك مآ أشُوف ؟
ليه عيّشتني حلم ..
وقتلت أمنياتي !
أنا فقيرك ,
وأنت تشعر بـ/ الغناة
محتاج لك أكثر من إن أح ـتاجني !
أنت أبعد أقرب
شي في هذي الحياة
أح ـتاج لك بس إنت مَ تحتاجنـي !
ظلام والغرفة هدوُء
حنين ودمُوعي كلام
كل يُوم أقبّل صُورتك
وأقرا مُحادثتك وأنام !
وش أخباري ؟
أنا المفروُض أستفسر عن أخباري
أنا خليتني عندك , حرام تقول :
تعيش بعالمك وحدك / وش أخباري ؟
أنا بسألك شخباري !
أنا عاري من الأشياء / أنا أخطاء في أخطاء !
أنا سيء وللغاية , أنا أستغفر وأعيد بآخر الآية !
أنا أتعوذ من النسيان والخذلان وأتذكر أنا إنسان !
تصدق , مدري شَ أعذاري / وشخباري
ولكن عارف وداري : أنا أكثر من الإنسان / والأوطان
والأخبار والأسرار والأعذار ! أنا فيك أنت :
مُطر وغبار وأعشاب ومدار وشمس !
أنا ناسي جرُوحي الخمس , أنا مشتاق لأخباري
أبي أسألك يَ أمسي / أنا لازلت أنا نفسي ؟
تذكّرنـي النسيم
بـ صُوتك المبحُوح ! ?
وأنا مجرُوح
خمـس جرُوح أو أكثـر ،
أشوفك في النسيم
بـ / قهوتي الشقرا ،
أشوفك في الوجيـه
وتبكـي الـ / جهـرا ،
تبين أبُوح ؟
أبُوح شلون والمجرُوح ،
لو يكتم ،
و لو مهما ستر مفضُوح !
أنـا بروح ،
دام إنك تبين أروح !
على السادس أبرجع لـه
هذاك البيت ، مثل ما جيت
أنـا بروح وأتمنّى تظل الرُوح
بـ أرجاء النسيم هناك ،
ويحرسهآ حمام الدُوح !
وأنـا برُوح وأتمنّى بعد ما أروح ،
أشُوف فراقنا خيرة ،
وأشُوف ف بُعدنا مصلُوح ! ?
خذني معك
وابني من أحلامي حجر
تعبت من قلبك وأنا أركض وراه
لا ياخذ يدينك
من يديني الهجر ,
دام إنت دعوة :
أبتديها بكل صلاه !
مَ يشبه أنفاسك
سوى أنسام الفجر
أثنينكم : سبب رئيسي للحياه !
وعدتني مَ ترُوح عنّي
وإذا رحت :
مَ ترُوح فجأة ..
بس هذا إنت رايح !
إنت بغيابك قمت
من بعدما طحت ,
لكن أنا ..
من رحت للحين / طايح !
غلطت غلطة معاهم بس ماني صغير
عطيتهم فوق حق الحب لين انجرحت
أبفقد الذاكره واعيش يومين يصير ؟
ياقلب بتعب ع مستقبلي لو سمحت !
فتحت كف السحابْ وقلت يالله نطير
طاردوا لكن ماخذوني ليتني مافتحت
المُجتهد اجتهد بس مانجح ف الأخير
مو شرط تنجح بسعيك هذا انا مانجحت
حاولت أخبي خطاهم واتنفس زفير
بس البلا يوم طاحت دمعتي وانفضحت
احباب كنت اعتبرهم غير والناس غير
وغياب راحوا بعيد وشلت قلبي ورحت
انا اكره الفقد واكره شيء اسمه ضمير
وصلت الى مرحلة لو اخذلوني دمحت
انا خسرت امنياتي بس ابرحل كبير
لكل نهاية بداية ليه اطالع لتحت
من كثر مااحبهم وابي لهم كل خَير
رغم عذاب المفارق يوم قفّوا فرحت !
' انا رآضي يغيب ، وشوقنا يزداد
ولا أحس الوصل واجب ولا زينه !
جمآل الشي .. يبهت كل ما ينعاد
حلآت الشي يجي ويروح في حينه !
#شعر : محمد المغيرفي
رد مع اقتباس
المشاركة الأصلية كتبت بواسطة حبي خالص
'
