السلام عليكم ^_^
.
.
.
جيتكم وانا معصبة حبتين بسبب عدة مواقف صارت
.
.
عندنا زميلة عمل هادية و طيبة و تتقبل المزاح و محترمة جداً حتى ما تحب ترد على حد ..
.
.
و كلنا نعرفها بهذي الصفات أن مهما قلنا ما راح تزعل !
سمعتوا الجمله اللي تقول "ذنبي اني طيب"؟
هذي البنت تنطبق عليها الجملة هذي..
.
.
بدل لا يتم تقدير طيبتها و احترامها و هدوئها .. نلاقي الناس تستغل شخصيتها في إيذاء و جرح و رمي التعليقات ..
على أساس عارفين انها تتقبل وما تزعل!
نلاقي الناس تنكت عليها واللي حولهم يضحكوا و لو هالنكته تنقال لشخص ثاني كان زعل..
.
.
بعد تكرار المواقف عدة مرات .. خلاص طفح الكيل !
البنت طلعت بشخصية ثانية .. انفجرت
عطت كل وحدة حقها و من هذاك اليوم صاروا يحترموها و يخافوا منها!
.
.
مالنا أي حق ان نعامل الناس الطيبه بهذا الاسلوب لأن هالشخص عادي عنده ..
و على فكرة هالشخص موجود بيننا في العمل و حتى فالبيت ممكن يكون أحد اخوانك .. و اذا ما حصلته ف هو انت
.
.
لا تنتظر ان الشخص يوصل لمرحلة الانفجار ..
اللي يكون طيب معاك بادله بالمثل و أحسن لأنه يستحق!
شخص يحبك و عفوي معاك لا تتكبر و تتغلى و لكن بادله بالمثل!
شخص يعزك و يغليك لا تستغله ولكن بادله بالمثل!!
.
.
هالناس يحملوا ف قلوبهم الشي الكثير و يتحملوا كثير و لهم قوة صبر عجيبة لدرجة انهم متحملين غثاثة و ثقل دم ناس !!
فلما يوصلوا لمرحلة الانفجار ما يصير تلوموهم !