وسط العيون اللي هدبها يغطيك
...............نم يا حبيبي جعل نومك عوافي
رمشي من البارد حبيبي يدفيك
...............لك في عيوني مسكنٍ حيل دافي
ياكبر حبي لك وياكثر م اغليك
...............أول غرامي معك واخر مطافي
روحي تسافر لك وقلبي يناجيك
...............جيتك اسابق خطوة القلب حافي
هذا انا يا غايتي ميت فيك
...............والموت فيك احساس ماهو بكافي
انظم قوافي الشعر وارسم معانيك
...............وأنت المعاني كلها والقوافي
حتى المشاعر كلها ذايبه فيك
...............ملكتها وحدك بفن احترافي
لا قلت احبك موت ماظن خافيك
...............سجلت حبي لك وصدق اعترافي
قرب حبيبي جعلني حي م ابكيك
...............نم في عيوني والهدب لك لحافي
رد مع اقتباس
