دام الـكــلام الـيــوم مـاعــاد يـنـطــاق
بـيـن الـولايـف نـبـرة الـشـوق غـرقـا
قال السديـري عقـب ماخاطـره ضـاق
بيـتـن يخـلـي ضـامـي الـقـلـب يـشـقـا
( ياليـت ربـي ماخـلـق حــب وفــراق
والا خلق حب(ن) علـى غيـر فرقـا )
واليـوم ضاعـت بالمواجيـب الاخـلاق
صــار الـغـزل بـيـن الموالـيـف يـرقــا
دارت دواليـب الزمـن بيـن الاشــواق
يالصاحـب اللـي مــن سبايـبـك نشـقـا
عنيـت لـك فـي عالـي الرجـم مشتـاق
وغنّيـت لـك مـع تالـي العصـر طـرقـا
عن شوف غيرك شح شوفي ولا لاق
وسـرقـت ماتـحـت المحـاديـب سـرقـا
واليـوم طعـت اللـي بـالاشـوار بــوّاق
والـلـي بـقـى لـــك بالمحـاجـيـر يـبـقـا
مـن عانقـوا دربــك قليلـيـن الاوفــاق
حـالــك تـغـيـر والــبــلا ويــــن نـلـقــا
محـدن يعالجنـي سـوى شـوف بـرّاق
واقــــول مـابـيــن الـغـنـاديــر فــرقـــا
يـاهـيـه يالمـشـتـاق لاعـــاد تـشـتــاق
ويـامـعـدّي الـمـرقـاب لاعـــاد تــرقــا
اخر نصيحه واحفظه وسـط الاعمـاق
خـل الرجـم وانـزل عـلـى راس بـرقـا
رد مع اقتباس
!
المشاركة الأصلية كتبت بواسطة أسيرة الدريز
