اسكت وخل الكـلام لجرحـي الدامـي
لوغيـرك اللـي يسولـف ماتحمّلـتـه
لكن على شـان عينـك هانـت ألامـي
للحـب مفهـوم عـمـرك ماتخيلـتـه
ماأظـن يستوعبـه تفكيـرك السامـي
هذا الفـراق الطويـل وهـذي أسئلتـه
هـذا حصـاد السنيـن وهـذي أيامـي
يامـا ويامـا عليـك البـال طولـتـه
والعمرعدى وأنا عايش علـى أوهامـي
حتى طريـق الفـراق اللـي تساهلتـه
لقيته أصعب على نفسي مـن أقدامـي
اصبرلـي شـوي لـودمـي تثاقلـتـه
بحاول أستوعب اللـي صـار قدامـي
الحب ضحكـة بعينـك بـس ماطلتـه
عمرك بهالكون شفت أبسط من احلامي!
القلـب لوماخفـق لـك كـان ماشلتـه
ولوماأنت ملهم قصيدي جفـت أقلامـي
هـذا قصيـدي بعينـك لـو تجاهلتـه
ينزف على شأن يروي قلبك الضامـي
العـام طــاري غيـابـك ماتقبلـتـه
واليوم حرماني أصبح مصدر إلهامـي
لاتعتذرلـي وابنسـى كــل ماقلـتـه
وش ينفع العذر لامن ضاعت أيامـىي؟
رد مع اقتباس
