ينادوني و انا صوتي من اسباب الوَله ذبلان
و اجاوبهم و ارد الصوت و اقول بصدق طفشان !
مهو اسمي هذاك اللي يقولونه بـ فم مليان
انا اوصافي من اوصافه و تعبيرهـ و ألوان
هذاك اللي أموت أموت إلى من قال لي بردان
ويسكن برده ضلوعي لو إني كنت دفيان
هذاك اللي محى غيره وهدّم حولي الأركان
و على الماضي من انقاضه تعلّا و مدّ بنيان
هذاك اللي من أطباعه تُعرّف كلمة الـ إنسان
و أنا من يوم حبّيته كسبْت الطبع : إنسان
هذاك اللي يمرّ الورد و هو من فرْقته عطشان
تردّ بإيده الورد جميل و حيل رويان
هذاك اللي على كيفه يصير الـ كان : لا ماكان
يغيّر سالِف الماضي و يكسر كل بيبان
برغم اني احب نفسي / احب اسمي ولكن بان
بأني بصدْق قدّمته على قلبي وكل حنان
لذا مِـ اليوم أبعْلنها و أعلّي صوتي بالإعلان
كأني اليوم مولود انا بـّ بيته و عنوان
مثل ما اسم ذاك اللي تمكّن في حشايه : فـْلان
ابي مثله تنادوني بنفس الوزن يَـ فلان
رد مع اقتباس
'
المشاركة الأصلية كتبت بواسطة الصممت هيبةة
