وقتنا الماضي
بيسألني عن الوالد وما بقى غير مقعاده
سألني بلحظته صدفه وفيني جروح زودها
سقى الله وقتنا الماضي يوم الناس ترداده
لعلي أكتب الماضي وبعض الناس أذكرها
رحلت وراحت الدنيا وطاح السقف و عماده
أمور بخافقي تكبر أحاول دوم أجسدها
مثل بيتن طوى عمره وطول معلن حداده
ولكن باقي(ن) شامخ عروقه فيه جودها
ليتي فقت في الماضي لك الأرقاب سداده
صغير عشت بالماضي وجيت اليوم أشيدها
وش النافع ؟ وش الصالح ؟ كني طفل بمهاده
م غير حروف في صدري عليك اليوم أترجمها
جروح فيني من مبطي وحضور الغايب إضماده
جيش وحرب في عيني وسيوف الناس تجردها
فيني ليل مظلم هم و سحاب زاد رعاده
وفيني بيت حاضر له وبيوت فيه قاصدها
كني مجرم وعايش ببلاد ماهي بلاده
بيوت فيني تنشاهد وبيوت فيه أشاهدها
بيوت بواقع الماضي وحروف بحاضر الساده
تساندني حروف الشعر وانا معها اساندها
بكتب واقع الحاضر وناس فيه جحاده
وبكتب واقع الماضي وناس به عقايدها
رجل(ن) عايش معنا بليا تاج وقلاده
ودك ناخذ عقاله ونبدله في قلايدها
ورجل(ن) عايش معنا فيه الطيب وزياده
حروفه حاضره فيني وحروفي دوم سيدها
بيسألني عن الوالد وما بقى غير مقعاده
سألني بلحظته صدفه وجروح فيني زودها
دعيت الله في نفسي ومعي مصحف وسجاده
بإن الله يغفر له وبنفسي دوم أرددها
رد مع اقتباس
المشاركة الأصلية كتبت بواسطة حبي خالص
