قــم ياقـلـم وكـتـب عـلـوم المحبـيـن
مـن هاجـس ٍ ينظـم جزيـل المعـانـي
ولــزم حــدودك لاتخـطـى القوانـيـن
وكـف الحبـر لامـن جرحـي حـدانـي
حبه سكن وسط الضماير من سنين
مـاقـدر عـلـى سـبـه لـوانـه نسـانـي
ولاقدر ارد الصـاع للزيـن صاعيـن
ومقدر أشوفـه فـي حيـاتـه يعـانـي
دمعة قهر بانت علـى محجـر العيـن
من يوم شفته مهتوي شخص ثانـي
ياصاحـبـي لـيـه الـغـدر بالسكاكـيـن
لـيـه المحـبـه بـيـن مجـنـي وجـانـي
أبنشـدك ياشيـخ وأنـتـم هــل الـديـن
لازم تجاوبـنـي تــرى العـمـر فـانـي
ياشـيـخ جـايـز ردت الـديـن بالـديـن
ديــن المحـبـه كـرهـن فــي زمـانـي
كيف التقاضي كيف نكسـر جناحيـن ؟؟
جـنـحـان بـقـعـاء لاتـحـطـم كـيـانــي
رد الـمـطــوع قــايـــل ٍ لاتـحـاكـيــن
دام تـــذوق الـهــم نـصـبـر ثــوانــي
ياشيـخ أنـا بعطيـك عـلـم الميامـيـن
نفسـي عـزيـزه ماتـحـب الطـمـانـي
قولـو لخـلـي يـذكـر القـبـر والطـيـن
فـي ساعـة ٍ قـل الرجـاء بالمحـانـي
ياهل الهـوى هـذي علـوم المحبيـن
مـن هاجـس ٍ ينظـم جزيـل المعـانـي
رد مع اقتباس
المشاركة الأصلية كتبت بواسطة شذى آلخزآمى
