نتاجات الشاعــــــــــــر (ابو قيس 99)

[اسطورة لن تتكرر]

مالك في ذي العالم نظير 21/9/2014

وين الوفا وين الصداقه وين صحيان الضمير÷
وين الوعود الوافيه ذي كل واحد يستخير

وين التعابير الجميله وين نفحات العبير÷
وين الليالي لي مضت كنا سوا فيها سمير

هل راحت ايام الهنا والحب سجنه أسير÷

هل ذابت أشواق المحبه بعد ما كانت كثير

هل راح ذي حبه وغاب والبدر ذي ضاوه منير÷

خيم ظلام الحزن في قلبي ومن بعدك كسير

وتغيرت الأحوال وطعم العيش من بعده مرير÷
وأتغيرت مجرى الحياة ولامعاون او نصير

من فرقته قلبي تعب واصبحت مجهول المصير÷

وماعرفت وين اتجاهي وين بيكون المسير

عايش لوحدي في عذاب واصبحت في العالم نكير÷

قاسي مآسي وحدتي والجرح في قلبي خطير

وهذا هي احكام القدر والوقت في حكمه يدير÷
يديرمايمليه طبعه للمآسي يستخير

والأن بالله لو سمحت يامن بآلامي خبير÷

ارجع وداوي القلب لي حبك ومن بعدك ضرير

أذكر لقانا ياحبيبي اذكر الحب الشهير÷
لي عاش في قلبي وقلبك كان كامل مستدير

انت الهنا وانت المنى انت امل قلبي الكبير÷

وانت السعاده كلها مالك في ذا العالم نظير÷

شوفني لأجلك منتظر والشوق في قلبي غزير÷

أتمنى وصالك واللقا عساك ترجع لي بخير

[اسطورة لن تتكرر]

ياقدرة الله كيف تكذب:::::وأنته مطوع والك خصات

كل من شكا لك قمت تكتب::::حروز توصف له دويات
بدوا التطبب قمت تلعب::::::كنك فهيم بكل علات

تحسب وتقرا لكل من هب:::فعلم الصدور والخفيات

محو وطلاسم تعطي وشرب::::خلطات شرك فيها أذيات

قاصد عقول الناس تنهب::::وطبك تسبب فيه عاهات

ياكم ناس فيك ترغب::::وكله من اسباب الجهالات

فيها بيوت كم تخرب:::: ياما سمعنا كثير حالات

ما تخاف من أفعالك الرب:::: يعلم بحالك وبكل الغايات

ناس تجي لك تطلب الطب::::ما تدري انك من الخطيات

حب التشعوذ فيك مضرب::::: يروى قصص عنك وروايات

حل القضيه معاك يتعب::::ما دام لك ع الناس عادات

[اسطورة لن تتكرر]

يا مرحبا بك عد ماترمش العين---وأعداد ماجرحي يغني هلابك

اهلا. هلا بك لو تضيع البراهين---في قلبي الصادق لحضرة جنابك

شبيت في قلبي من البعد نارين---وأحرقت تمثال يجسد عذابك

لي ضقت يالغالي تشب البراكين---وأخشى من الهجران و عتابك

مرن علي أيام والحال يازين---مثل الغريب اللي وقف عند بابك

جيتك وانا والله مدري على وين---ضايع وقلبي كل طيب لقابك

أنت الغلا كله من الامس للحين---واموت يالغالي اذا شي صابك

اليوم بغيابك علي مر عامين---والخوف كله يزيد أغترابك

أكتب قصيدي والدمع هل من العين---والله يعلم ماجرى في غيابك

لي قلت برقد قالت العين بعدين---خليه نومك مسكنه في هدابك

يحفظك يالغالي نعم قول آمين---تبقى وربي يحفظه لك شبابك������

[اسطورة لن تتكرر]

الحب يتلف ياملا المخ÷÷÷ ويدعي صويبه في متاهات

والقلب يتوقف عن الضخ÷÷÷ مصيوب ماتفيده عيادات

لاهوب وسط اليوف يطبخ÷÷÷ يشوي عروقي الداخليات

ياونتي ونات منزخ÷÷÷ معقوق في سجنه سناوات

إبلا سبب مرماي في فخ÷÷÷ من دون سبه ودون زلات

باسباب لي. حبه ترسخ÷÷÷ راعي العيون البابليات

ياكم وسط القلب نوخ÷÷÷ أركاب من حبه اصيلات

ما من شراته حد ينسخ÷÷÷ مفنود ما بين الخوندات

حشيم مافي يوم لطخ÷÷÷ فيه الكلام والاشاعات

دمعي عليه يهل ويزخ÷÷÷ كلما ذكرت الوقت لي فات

أهواه لين الروح تنزخ÷÷÷ وابقى دفين العاطفيات

قميص حبه كيف بفسخ÷÷÷ ملبوس لين يوم الحسابات

[اسطورة لن تتكرر]

يالله يارب ياعظيم الشان:::ايامنا بالرضا نور لياليها

نور علينا الوطن بوجود السلطان:::رجل المواقف وصانعها وبانيها

سيدي قابوس حبيب الشعب والاوطان::: نور الوطن واللي سكن فيها

حنت ربوع الوطن كله لكم وجدان:::وحنت جبال عمان ومفاليها

بطلتك يا سيدي يفرح شعب عمان :::واذا للروح غالي انت غاليها

يامن بنيت الوطن بالعلم والعمران::: تحير أفكار من صفة مبانيها

رجل السخا و الرخا والفضل والاحسان::: ومثل قابوس لايوجد في نواحيها

محبته في القلوب ومسكنه لعيان:::وقلوب شعبه جميع هو يأويها

لقابوس محبة هيه من الرحمان:::ليس انا وحدي جميع الناس تكنيها

ياباني المجد والتاريخ والانسان ::: حفظك الله من شرور الدنيا وبواليها

[اسطورة لن تتكرر]

لي هاجسي والشعر غنا:::ونظمت من قلبي قصايد

بعيد الأضحى كل يهنا::: مبروك لك ياقابوس القايد

ياسيدي يفخربك وطنا::: وتعيش يا راعي العوايد

ياكم قاصد لك تعنا::: وتبدل بهمه سعايد

ماحد شراتك في زمنا::: ياكم لك فعل وشهايد

في خير ظلك سكنا::: في راحة واكثرمن سايد

بأرواحنا نفديك حنا::: ونحن جنودك في الشدايد

واجب وحق عمان منا::: نحميها من كل طامع وكايد


ويحفظك ياباني أملنا::: تبقى عسى للشعب قايد

وطلبت ربي وآتمنا:::يمد لك عمر ومدايد

[اسطورة لن تتكرر]

مبروك عيدك قايد الغيد $$$ ويعله عليك بفرح ينعاد

وعساك من عوادة العيد$$$ كل عام وانته بخير واسعاد

لك الحب من دون تحديد$$$ متمكن في لب لفواد

والشوق لك ما ينقص يزيد$$$ حتى ولو قربت لك زاد

حبك سطا واتملك سعيد$$$ وسعيد صار لجفنك وساد

والله ما هو قادني قيد $$$ لكن قلبي لحبك انقاد

ماهو بكيفي غصب ياسيد $$$ بتبعك لو في تبعك انفاد

والله لو يرضيك ويفيد $$$ لشق ثوبي وسط لعباد
وأقول انا مجنون وأريد$$$ شوفك غناتي دون ميعاد

مني ولك عيدية العيد$$$ قلب يحبك غصب وعناد

[اسطورة لن تتكرر]

لي مادرى بالفن مرتاح=== الحب كله
ليعه وتجريح

ياكم صفقت الراح بالراح=== يوم الخلي في نومه مريح

عليك يابو عود مياح=== مر أون ومر أصيح

واللي رماني وقت مسراح=== نشح لي بقلبي تنشيح

بيني وبينه جبال وأبطاح=== ورمول ثم شارع وسيح

قم ثيبني ياسعيد بسلاح===يالغافري عن مابي يبيح

شف وذخر ماقول مزاح==÷ وابغي نصيحه منك بتصحيح

يعلك في خير ودوم مرتاح=== ونف المطر على دارك يطيح

يسقي الوطن وتفيض لبطاح=== جنوب وشمال ويشرب السيح

[اسطورة لن تتكرر]

طال صبري وجاتني غصه---- وضقت من الدنيا وما فيها

يوم وقتي رصني رصه---- عفت حاضرها وماضيها

ما عطتني يا ملا فرصه---- لو بغيت أنسى واخليها

أسرقت قلبي شرا اللصه--- ولو وصفت لي لو بصافيها

ويوم أغيب من العمل حصه--- لازم اتحمل دعاويها

ماقدرت ارتاح في الرخصه--- من عملها ومن بلاويها

بس قلبي من كثر حرصه--- ونتي في الجوف خافيها

قص حبل الود بمقصه--- وراح ما فكر في تاليها

وتم قولي وينهي القصه--- والسموحه في قوافيها

[اسطورة لن تتكرر]

سلام مني سلام وتحيه ----- جدواك يابيبرس بعثت السلامي

سلام ياراعي النخوة القويه --- اقبل تحياتي وكل احترامي

البارحه يوم الخوالي هنيه--- بالنوم ما غضت جفوني حرامي

لزيت صوبك وانت راعي حميه--- لك اشتكي من جرح بالقلب دامي

حالي براه الشوق وأثر عليه--- وركاب شوقي حول بيته حيامي

ألعي عليهم كل صباح وعشيه---شروات ماتلعي طيور الحمامي

ياكيف بصبر والمحبه بليه--- والصبر لو طول يزيد الهيامي

بغيت منك الراي عاجل شويه---يافاهم فن الشعر والقوامي

ماظنتي يرضيك لي صار فيه--- متعذب و محروم طيب المنامي

أضحك مع ربعي ونفسي شجيه--- ما حد درى عن علتي بالتمامي

خافي بقلبي كم طيبه خفيه --- ما يعلم بهاغير رب الانامي

وانته القاضي وهذا خيط القضيه---راضي بحكمك ولو يوصل عدامي