جيتك مشاعر صادقه مابهـا زيـف
جيتك حقيقه تحتوي صـدق ذاتـي
جيتك معاني شامخـه بالتواصيـف
جيتك بقايا حلم فيه أمنياتي
جيتك كما برد الشتاء باول الصيـف
ماردنـي عنـك الريـاح العواتـي
اللي جمعنـا مثـل كـل المواليـف
حلمٍ عشقتـه فـي بدايـة حياتـي
حلم الطفوله يازمـان الصواديـف
أجمـل حكايـه صّـورت ذكرياتـي
سلم الاصاله فوق كـل المواصيـف
فيـه الحقايـق ماتزعـزع ثباتـي
أسلومنا تـدرى المناقيـد والحيـف
عن هرجة العذال واهـل الشماتـي
طهر المبادي كنها شـذرة السيـف
والصدق دربه نور وفيـه النجاتـي
خوفي من الله مادخل فيه تسويـف
مبداي واضح والشرف هو عباتـي
مامشي على درب الردى والتحاسيف
قمة شموخي هيبتـه هـي غناتـي
ماهمني هـرج القفـا والملاقيـف
حسبي عليهم دعوةٍ فـي صلاتـي
هذا أنا مـن دون زيـفٍ وتحريـف
آبـوي ربانـي وهـاذي صفاتـي
نبع المشاعـر للمعانـي تعاريـف
وابعاد فكري هي عصـارة دواتـي
كتبتها وأنا علـى ساحـل الِسْيـف
وسامرتهـا بدموعـي الباكيـاتـي
طافت بي الفكره كما لمعة الطيـف
وعلى الفخر حرفي يجسد سماتـي
الشعر معنى .. والمكارم مواقيـف
وحروف شعري خيلهـا مسرجاتـي
من صغر سني مالحقنـي سواليـف
لـي سيـرةٍ عبيرهـا مفـرداتـي
أسمي الحقيقي واضحٍ دون تعريـف
وآخر حروفي هي بقايا وصاتي
رد مع اقتباس
!
