♥قوس قزح ♥

[حبك وطن]

السلام عليكم ورحمة الله وبركاته.....

أمممم اليوم وأنا جالسه فكرت وقلت ليش ماأفتح مدونه جديده طبعا قبل معي بس من زمان ودرتها هههه لأني طبعي ملول ماأحب أجلس ع شي واحد....

المهم اليوم الأربعاء التاريخ 8/10/2014

قررت أفتح مدونه جديده ...قسم مااعرف شو بكتب فيها بس راح أدون اي شي يخطر ببالي ذكرياتي وطفولتي وأي شي أحبه♥

أمممم وخلاااص نبتدي
بسم الله....^^

[حبك وطن]

[حبك وطن]

"ربنا آتنا في الدنيا حسنة وفي الأخرة حسنه وقنا عذاب النار"

صلاة الفجر ♥

[حبك وطن]

السلام عليكم...♥أمممم طبعا نفس الروتين تقريبا كل يوم هههه مافي جديد ^^بس قبل أمس كنا معزومين ببيت الجيران وكل البنات والحريم موجودين حماس الاجواء كانت .....تسلينا وإنبسطنا كثير سوالف وجلسه حلوه ^^وهيك ^_*

[حبك وطن]

وأمس كانوا معنا أخواتي جاين بعد الاجواء حلوه ولمة الأهل ...بعدين رحنا نتسوق أنا وأخواتي إشترينا أغراض بسيطه....^_^

[حبك وطن]

في وقت مثل هالوقت بس بيوم غير يعني بزمن ماضي هههههاقصد لما كنا صغار ....طبعا الحين الظهر مافي نجلس بالبيت ونرتاح لاااا ..مستحيل..كل الشله تجتمع اقصد بنات خالي وعمي وكذا ونروح المزرعه ونهجم ع كل اللي موجود قسم تصير حالتها ماحاله كل الليمون والبيذام يقضى عليه ....حتى مزارع الجيران بعد يشملهم الهجهوم استغفر الله بس....طفوله غير شكلالله يسامحنا بس هههه ♥

[حبك وطن]

"خلك سماء وإترك القاع للقاع ♥هالعباره بالذات كثير أحبها دائما أرددها .....^^

[حبك وطن]

السبله العمانيه ببساطه شي رائع دخل حياتي♥سعيده جدا بتواجدي هنا.....تعرفت ع أشخاص قسم تحس نفسك من زمان تعرفهم أشخاص تصرفاتهم تعكس طيبة قلبهم وصفاء نواياهم .....كثير وكثير أعتبرهم مثل إخواني .....ربي يحفظكم ويخليكم ♥طبعا أهم إثنين
★طهر مقدس
★بتار
يمكن أكثر شخصين تواصلت معهم ربي يوفقكم
والسموحه إذا غلطت ع أحد ^^

[حبك وطن]

لكل من كان له أثر جميل بحياتي ♥

[حبك وطن]

أممم بعد فيه شي مهم ههه مستحيل أنساه فريق كرة القدم...
ضروري كنا العصر نجتمع انا واخواتي وبعد بنات وأولاد عمي وأولاد وبنات خالي...ونروح نلعب كره
ياخي كنا صغار مافي عيب يعني مانخجل عادي كانت الامور تقريبا كنت انا مهاجم ياخي مااذكر هههه المهم من خاطرنا نلعب ولا بعد في ملعب من جد ملعب مرتب يعني ....
المهم من نرجع البيت نحصل تنتظرنا العصى أذكر مره بنات خالي ضربوهم ههههه بس قسم مانتوب نرجع مره نلعب


يعني كنا صامدين شو يبون يفككوا الفريق ووحدته هههه عاد كله ولا الفريق يصيرله شي ^^ههه الله ستر عدت الامور ع خير