تعال اسمع .. حكايات الغرام ... وليلي الفتان
تعال اسمع سبب نوح الخفوق وونة المضهود
تعال اقرى تفاصيل الحزن في زاوية الاحزان
تعال وقلب ..اوجاع التعيس .. وحظه المقرود
تعال اكتب من جروح الخيانه صفحتين احسان
تعال اجمع شتات اللي بقى .. لو مابقى محدود
تعال ومابقى .. لقلوبنا غير ... الضلوع اكفان
سلام الله على بيض النوايا .. في ظهور الجود
تعال اطعن ضمير الهجر واكتب للوصل عنوان
تعال ... ولاترده طالبك ..... مادامني موجود
تعال ارقى ..على سحب العيون وضمني هتان
تعال انزل مع دمعي عسى ..تنبت سماي ورود
تعال العن ثوى جد الفراق ... وصفحة النسيان
تعال اصرخ بوجه الضيم واشهر سيفك المحدود
تعال افتح من ابواب الفرح .. بعد الحزن بيبــان
تعال ارسم ...دروبك لجل اجنب دربك المسدود
تعال اعقد عصافير الفـــرح ...مادامك السجان
ترى مفتاح ذاك البـــاب مايحتاج لـه ... مجهود
تعال ابعد بعيد ... وخلك اقرب من رفيع الشــان
تعال اقرب من انفـــاسي لثوبي ... ياقليل الفــود
تعبت ادعي ... تعال وعين بعدك ترتجيه اعيان
تعبت ادعي تعال وصوت شوقي مالقى مــردود
احسب(ن) اني بلاقي .. لادعيتك ضمتين احسان
واثرني مالقيت الا الجـــروح ..وونة المضــهود
مما رآق لي ..
رد مع اقتباس
!
المشاركة الأصلية كتبت بواسطة رايق البال
