يارفيع الذوق يالترف الحنون
دلني وينك اذا فيها مجآل
شوفني عقبك همل دمعي مزون
ومن دروب البعد شوف الدمع سآل
ما أحبك بس الا هو جنون
سمني المجنون ياعذب الخصال
ولا يجيك فيوم او يطري ظنون
اني اخليك..! لن هذا محال
لا تتسأل من انا ومنهو اكون
انتظر,, واسمع,, وخلي هالسؤال
واحد(ن) يعشقك في سود العيون
يعشق اسمك وسحرك والجمال
طلتك نور(ن) ينور كل كون
كامل(ن) بالوصف ولله الكمال
والشعر يطرب بوصفك يافتون
يابديع الوصف ياصعب المنال
بلغ الي يعشقونك,,,,,( يحلمون)
ياخذونك حلم او يمكن خيآل
واقعك مرهون لي شكل(ن) ولون
ما أساوم فيك باطراف الجدال
ياعساك تكون لي ظهر(ن) وعون
وياعساك تكون لي ملك وحلآل
هااه..! للحينك تتسأل من اكون !!؟
ماعرفت الي يحبك في خبال
جيت لعيونك وانا كلي جنون
يافديت جنون حبك والهبال...
رد مع اقتباس
'
المشاركة الأصلية كتبت بواسطة عملاق الشعر
