والقصيد اللي نقوله كل يوم وكل ليله
يستفيض الماء على جاله وتزهر به محاني
كم حملته والقلم يبكيّه مايقدر يشيله
وكم نبضته في فؤادي قبل لاينطق لساني
وكم تدثرّته وهو من (خافقي ) يشفي غليله
اهتواني واحتويته واهتويته واحتواني
المدى محدود في عيني وقيفاني طويله
والطموح اللي يوديني على النجم اليماني
من صِغر سني وغاياته تبررلي وسيله
ومن صميم الذات ذات العمق صدرت البياني
في حضوري كل عاشق صاريستعذب خليله
وفي غيابي قالو العالم علي (الغيهباني )
كل شيئاً له بديل الا الشعر ماله بديله
وكل شيئاً له زمان الا الشعر ماله زماني
فيه رعد وفيه برد وفيه غيمه مستحيله
وفيه ماينصف قلوب( اهل الهوى) من قلب جاني
ياهجوسي والعرب شالوا (حِدا الجمال) شيله
مادروا باللي حَدا الحادي على الحزن وحداني
كنت اظن إن (الْكَفُو) يرقى على راس الطويله
واثر (عبد ابليس) واقف بالعصا والصولجاني
والهوى لو ينفض احساسه (شذى) عبر المخيله
ماتطيح الا قلوب .. وماتقوم الامباني
مانبش في (ذمة الشاعر) ولاضيع دليله
غير حبك يامعطِرْة ( الاماكن) بالأماني
شكل ثاني حبك انتي يامليحه يا أصيله
يامليحه يا أصيله حبك انتي/ شكل ثاني
ماعرفت ان الفجر زاهي ونسماته عليله
لين جاذبني من انفاسك (عبير البيلساني)
كان شِعري ماتشكل في( سما صدرك) خميله!!
عقبيني كل (هاجوس ً )درج بين المحاني
من ما راق لى
تحيه لكل روح مرت من هنا
رد مع اقتباس
المشاركة الأصلية كتبت بواسطة نوارة الكون
'
