سلام ياهل العرف وهل المشاريه
ياهل العلوم الوافيه والجزيله
سلام وافي لاهل الطيب نبديه
دام العميل اليوم يطلب عميله
بديت انا قافي ولاني بمخفيه
ووجهه لهل العلوم الهزيله
اللي يعزم الرجل قدر المخابيه
عزومته تاصله لو هو هبيله
ياصله كرته ثم مكتوب له فيه
الشيخ وين الشيخ ماله قبيله
واللي بليا مال كلن بناسيه
وكلن على ماقايل عقله دليله
وياكم شارب ودك انك تخسيه
وافعاله الشينه تغطي شليله
اللي ورا اهل المال يدرج خطاويه
ردي نفس وعاشقن لرذيله
ورجلن عن الشينه ترده مباديه
ورجلن على الشينات مافيه حيله
ورجلن يعز النفس لو في هقاويه
ورجلن يذل النفس لو هي اصيله
ويالله عبدك طالبك دوم تغنيه
ابعز نفس . اوعز وقت الجميله
رد مع اقتباس
'
