ما يصير الوقت ما مناسب .....

[غلا الامنيات]

السلام عليكم ورحمة الله وبركاته

قد تتعرض لمواقف محرجه وفي نفس الوقت تنصدم
اذا كانت من اقرب الناس لديك .....

في يوم من الايام تصادف شخص عزيز لديك وتتفق معه
على يوم معين تعزمه فيه وبعد الترتيبات والتجهيزات وبعد لحظات
على الموعد يتصل ويرد عليك ما يصير الوقت ما مناسب ؟؟؟؟؟؟؟


للمناقشه :
لو حصل لك هذا الموقف ما هي ردت فعلك؟
كلمه توجهها لهذا الشخص؟
هل تستمر بالتواصل معه بعد هذا الموقف؟

[سلطنتي فخري]

عادي جداً .. اعطيه 70 عذر واذا ما سد 100 عذر !
في ظروف تجيك فجأه بدون سابق انذار

واذا هذا الموقف يخليك تقطع صداقتكم!!! ما تعتبر بينكم صداقه وجهة نظر

شكرا لطارحة الموضوع

[مجنونك ما يخونك]

كل غائب وعذره معاه ما نعرف يمكن فجأه صار عنده ظرف
ما يجدر يجي عادي اهم شي ان اتصل واعتذر الوقت يلي
لازم تزعل وياه اذا ما اتصل فيك وما جالك انه هو ما رح
يجي ... لانه يمكن يوم من الايام انتي راح اتكوني مكانه
محد يعرف .... بارك الله فيك اختي ع هالطرح

[ندى^_^]

عادي اتواصل معه ما أقطعه

بيكون الوضع عادي و ساعتها بخلق له الف عذر*الانفعلا
يمكن ما كان وده يقول ما اقدر اجي يمكن ظروف

لكن لما القاه و اعرف ايش عذره و كان السبب تافه مثلا كونَّا بنات ما حصلت للبسه حلوه حق الجمعه او اي سبب تافه
بسوي طاف لكن بشيل ف خاطري عليه

[سهير 33]

عادي وايش يعني ....
هو صحيح إني بنصدم أول شي بس بتفهم لموضوع بكل تأكيد
الكلمه الي راح اوجها له معذور \ه وحصل خير وإن شاء الله نتلتقي فأيام جايه ...
وبكل تأكيد ماراح أقطع علاقتي فيه على شي ما يستاهل

[مائة بيسة]

اذا اول مرة عادي بس اذا دوم كذا اسلوبه مابعزمـه ابد...

[جمال319]

شو هو الي عادي معاكم
انك تعزم شخص فرضا فلبيت وترتب العشا وترتيبات ويمكن يكون عامل اشياء فيها اكرام وتتعب اهل البيت فطبخ ونفخ وبعد الانتظار يتصل يقول الوقت غير مناسب واغلب الاعضاء يردو عادي والف عذر اعطيه
نعم لو صار معاه ظرف طارئ اعذره اما يقول لي وقت غير مناسب ماراح اقبل منه العذر فيه احترام للمواعيد يمكن انا كنت ايضا مشغول بس من باب الاحترام ماحبيت اتصل فيك واخبرك
احترام الوعد من الدين الحنيف

[رايق البال]

هلا فيك غلا ..
للصداقه حق في ان اكون واسع البال ومتسامح واعذر ولكن ان تكرر ذلك ولعدة مرات وبأعذار واهيه بلاشك سيكون لي موقف معه ..
الف شكر لجهدك وتفاعلك الجميل .. كل الود لك مني

[غلا الامنيات]

هلا فيك غلا ..
للصداقه حق في ان اكون واسع البال ومتسامح واعذر ولكن ان تكرر ذلك ولعدة مرات وبأعذار واهيه بلاشك سيكون لي موقف معه ..
الف شكر لجهدك وتفاعلك الجميل .. كل الود لك مني

هلا فيك والله
دائما دبلوماسي في قرارك احيك على مرورك العطر لا خلا ولا عدم .

[يَاسَمِين]

السلام عليكم
كل شخص وظروفه
اذا هالموقف مرة و مرتين ما مشكلة
بس اذا هالشخص دائما يخلف مواعيده بدون اسباب مقنعه

ازعل واشيل بخاطري
لانه قضيت وقت كبير بالتجهيز وبالنهاية يروح هالشيء ع الفاضي

ما بتعب نفسي واعزم مره ثااانية

شكرا ع الطرح