اشتقت لك والا لك الحال مشتاق
اشتقت لك والا غرامك جرفني
شفني بعد مارحت ماعدت انطاق
حتى دموعي ملت اليوم جفني
العن دموع العين هي دمعة فراق
لا قال من تغليه مابي وعفني
ياصاحبي ياصاحب الذوق يا هاق
ان الهنا في غيبّتك ملتحفني
حرام ما وقّّف على الصدر طرّاق
الا الشقا من رحت دوم يغرفني
همين والثالث عصر ذيك الاعماق
هم لعب فيني وهم حذفني
قلي دخيلك كيف حالك والاشواق
قلي امانه دمع عينك ذرفني
قلي اذا دقيت وش حال الاعناق
هي تلتفت والا ماعاد تعرفني
ماني بقايل روح بألفين طقاق
بقول لا من رحت وقف وشفني
يوم القهر يطبع على كبدي إطراق
ساعة رحلت ودمع عينك نصفني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
رد مع اقتباس
'
