من بين أصابيعي تســـــــــــيل حْروف للدفتر رغَـد
نبش لـْ جروح اللي يحــــــــــب وطب يبري عِلـّـته
الــــنوم (حسنا) كلما استجـــــــــــدي ذوايبها تصِد
وان ما اكترثت اتشبثت بي وكـــــــــــــل شي ٍ رَخّـته
نتـّـفت ريش القلب خوف انه يطير وما يـــــــــــــرد
مــــــــــدري نبت له ريش ولاّ اني غفلت وشـلـّـته!!..
حيث ان طلتها ملـــــــت فمي .. يذكر الله وْ مـــــدد
ممشوقة العـذق الـــــذي مرة رجع عن مِلـّــــــــــــته
سافــر بي وكن لـــــي جنــــــــــــاحين آتهيأ للهدد
والنقش في عيـــــــون الملا هـ الفيلسوف شْـ قصّته
هي تشبه الما/ والظــــــما والوقت جامعهم عهد
واشبه لمن مر الديـــــــــــار اللي بكتـْـه وْ بكـّـته
ما يشقي إلا عشق روح لـْ روح بمفـــــــــــارق خَلَد
الريح جوّا الدار / والاقدار بابـــــــــك صكـّـــــــــته
كل قطعةٍ منها كريمة حسن وتحــــــــــيّــــــــر بلد..
كل ما بسطت الكف من جوع الوصال وْ ردّتـــــــه
يا مال نهّـام اخْـشـبـتها فـْ زرقتي يــــــــــــزرع وَرِد
والورْد ما عمره نبت عَـ الموج لكـــــــــــــن رزّته
لين ارسمت للغيم لوحة وسالت الدنيا بـَـــــــــــرَد
ما كنه إلا عقــــــــــد لولو خلف جمر ٍصفـّـــــــــته
كذاب لو بحلف لمحت الماء في الرقــــــــــبة ورَد
والماء في كل ركن تحت الجلد تلمح غـبـــــّـــــتـه
مائيــــة ٍ والــــــــنار كن ربي غرسها عـَ الجسد
في عيون مـــن نفـــــــسه على سود النوايا حدّته
كـــــــــــان السمو يـْـقــــــودها والـ (آل) عكاز وسند
واليوم كل شــــــــــــــــي ٍ تمنى تقود ركبه ودفـّــته
ما دنـّـقت راس شـْـحــــــــمتها ولا فنا فيـــــــها جَلَد
لو يعبث الغربي بْرطبــــها النخل واقـــــــــف ربـّــته
إلاي كل ما اطري عليها وكل ما فيها صــــــــــــمد
إلاي من زد الرجــــــــــــال اللي تسامى وحبـّــــــته
ما هو عشـــــــــــــان الشعر لو الشعر له حظ الأســـد
سل نــــــهر دمعٍ محتشـــــــــــد في حجر مما كنّـــته
سل رجفة يْديها جفــــــنــــها اللي رقد لو ما رقــــــد
سل عضة شْـفاها وطــــــــــيرٍ في قفصها هـــــــــدّته
سل عنق ساعة رمـْـل غطّتـْـه بْـ عبايتــــــها ونِشَد
عيني عن ذراعــــــــــي وانا أتأمــّــل رهاه وْدِقـّـــته
ســل صفـّـة زهــــور ٍ على الدرب اتغنى بـْ لاحسد
كـل ما خـــــــــــــــطت والدرب شي ٍ ودّها لو فضّته
سل (كوستا) عن صوتها وسكوتها ليل الأحـــــــــــــــد
عـن سالــــــــــــفتها وعزف ضحكتها وخــــــدٍ مرّته
سل ما تشاء تْجاوبك كل قطعةٍ منها فـــــــــــهــــــــد
وتضج كل الأرض في قولة تحبه وخلـّــــــــــــــــــته
من بين أصابيعه تسيل حروف للدفتر رغـــــــــد
نبش لـْ جروح اللي يحب وطب يـــــــبري علـّـتــه
فهد السعدي
رد مع اقتباس
!
المشاركة الأصلية كتبت بواسطة نوارة الكون
