تحبك روحي وآحسك نفس هالروح
و توحشني بدون أسباب مدري ليه
يا كيف أشرح لك إحساس أكبر من البوح
في قلب يحبك أكثر ما يحب راعيه
أحب صوتك هذاك اللي دوى لجروح
أحب إسمك وأضيع إن مرني طاريه
أنا ما قول في بالي تجي و تروح
أقول لك إنت بالي وآنا أطري فيه
أنا في عيونك القاني سما و طموح
يالبى الناعسه وراعيها يا لبيه
وغلاك بمهجتي كثر الفضا مفتوح
وفي ضلوعك أنا لي قلب مخبيه
رضاك بدنيتي هو سعدي والمربوح
رضاك آزعل الدنيا عشان أشريه
وعلى جمر الحسد دام الدلال إتفوح
بنتقهوى المحبه و جمرها نطفيه
خذ عيوني وإقرى ما خفاه البوح
وخذ عمري بلاك العمر أنا ما بيه
أنا من حبي لك تسألني حتى الروح
أهو قلبي أنا أو حضرتك راعيه
رد مع اقتباس
المشاركة الأصلية كتبت بواسطة اميرة الروح
'
