ضيافتي

[مائة بيسة]

( المناسبات / العزائم / الحفلات/ لما نروح المطاعم)




ابو محمد مع عائلته المكونة من 9 اشخاص رايحين لزيارة أحد ابناء اقربائه واثناء الزيارة تم دعوتهم لتناول وجبة الغداء المكونة مع عدة اطباق بعدها احتساء القهوة وبعض الخفايف للعلم ابو محمد لم يعلم بزيارة بو سليمان مسبقاَ

ابو محمد:مشكور بو سليمان تعبت عمرك
بو سليمان:مافيها تعب هذا واجبنا شيخي





اسئلة للنقاش

شو الاطباق الرئيسة اللي تضيفون معازيمكم وهل شرط تذبحون لهم؟

جاءك ضيف فجاة من مشوار هل تكلف حالك وتشتري مالذ وطاب عسب كرم الضيف ؟

بخصوص النساء ماعندك شغالة بالمنزل هل تفضلين بعد الغدا الضيوف يساعدونكم بعملية الترتبيب والغسيل؟

لما تعزمون شخص تفضلون يجي قبل الوقت المحدد او يجي فقط يعبي بطنه ويروح؟؟

[أبـوالولـــيـد]

السلام عليكم
موضوع جميل اخيتي

بصراحة كثير ما نعزم اشخاص
ونحن اغلب الي نعزمهم نعرفهم جد المعرفة
لذلك نحاول يكون الغدا او العشاء من الاشياء الي يحبها ويفضلها الضيف مع بعض الامور الي تبيض الوجه
وطبعا ما نضغط على انفسنا والحمد لله الموجود نقدمه للضيف

[احساس روح]

والله احنا مثل فتى بيضة الاسلام
ولربما اغلب اهل بيضة الاسلام هكذا
لان نعتر الضيف راعي بيت
وبالنسبة للنساء
افضل يساعدني صراحه
ما يعبنين بطنهن ويروحن
لان يكون هكذا اجهاد لاصحاب المنزل
بس اذا غريبين الضيوف
طبعا. لا ما احطهن يساعدني

[جمال319]

اكيد نكرم الظيف
الغالب يكون مكابيس لحم واذا كان ظيف من مكان بعيد اكيد نذبح
واذا جا الظيف فجأه يكون الجود بلموجود مانكلف حالنا ﻻنه الوقت مايساعد انك تسوي معاه اكرام المطلوب

[اموووره]

يالله مائة بيسة عاد ما صور ..
جوعتينا عاد لازم انتي تضيفينا ههههه ..
اممممممم بصراحة لازم نضيف الضيوف على احسن وجه بس إذا كان الضيف جاي فجأة وما كانت معي شغاله بخليهم همه يطبخوا وانا أشرف عليهم ههههههههه لا امزح ..
بوصي من اقرب مطعم لوازم الضيافة وخلصت السالفة ..
بخصوص المساعدة :
إذا كانوا من الأهل بخليهم يقولوا خلاص ما بنجي عندك هههههه ..
بخليهم يغسلوا وينظفوا وبعدين يغادروا ..
بس إذا غريبين ما يستوي عيب بخلي أخوي يغسل المواعين

[احساس روح]

يالله مائة بيسة عاد ما صور ..
جوعتينا عاد لازم انتي تضيفينا ههههه ..
اممممممم بصراحة لازم نضيف الضيوف على احسن وجه بس إذا كان الضيف جاي فجأة وما كانت معي شغاله بخليهم همه يطبخوا وانا أشرف عليهم ههههههههه لا امزح ..
بوصي من اقرب مطعم لوازم الضيافة وخلصت السالفة ..
بخصوص المساعدة :
إذا كانوا من الأهل بخليهم يقولوا خلاص ما بنجي عندك هههههه ..
بخليهم يغسلوا وينظفوا وبعدين يغادروا ..
بس إذا غريبين ما يستوي عيب بخلي أخوي يغسل المواعين

اهم شي اموره لا تغسل ههههههه

[يحيائي10]

السلام عليكم
الاطباق المتعارف عليها في محيطنا المحلي والتي لا غنى عنها ويعتمد على نوع الزيارة والوقت واهمية الضيف ...

الغالب هي القهوة العمانيه والتي تتكون من التمر وبعض الفواكه وشيء من المعجنات وهذه تقدم اثناء زيارة اخد الزملاء او الاهل او الضييوف المفاجئين ...


ام اذا كانت هناك موعد مسبق لزيارة احد الاهل او اليوف لك فاكيد تقدم الوجبه الرئيسة كالرز مع اللحم او الدجاج بطبخه مميزة وشيء من الصلطات
وكذلك هو الحال في وقت العشاء
ومن بعد ذلك تقديم شيء من الحلويات



الفل شكر

[حنــان]

نحن واجبنا نكرم الضيف بدون اسراف

و الضيف واجبه يكون ذوق و يسأل اذا محتاجين مساعده حتى لو ما ساعد بس السؤال له قيمة كبيرة


بالنسبة لي
لو من اهلنا بنفسهم يدخلو المطبخ لأن البيت بيتهم
أما لو ناس غير، نستحي مانقدر نقولهم ههههه

[مائة بيسة]

اكيد نكرم الظيف
الغالب يكون مكابيس لحم واذا كان ظيف من مكان بعيد اكيد نذبح
واذا جا الظيف فجأه يكون الجود بلموجود مانكلف حالنا ﻻنه الوقت مايساعد انك تسوي معاه اكرام المطلوب

يعني شرط تذبحون؟؟

[احساس روح]

يعني شرط تذبحون؟؟

بي مناطق شرط ذبيحه
واحس هذا تكليف
يعني الضيف ما ياكل غير ذبايح
خصوصا الدبايح الحين غاليه جدا
فهذا فيه تكليف كبير للشخص