يا شوق قلب يشيل الحب وشلونه عساه بعده على علمي ويطريني خايف تكون الليالي شدت ضعونه وأقفى ولا عاد يذكر ماضي سنيني *** تسأل عن الحب وانت الحب وشجونه تدري غرامك سكن داخل شراييني قطرات دمي بطعم الحب مشحونه ان قلت بسكت عزايمها تناديني *** يا شوق ياللي بنيت ابيات موزونه بنشدك عن ثقل حبي في الموازيني ما يكفي اني حبيب وقلبك يصونه ودي تعبر عن حدود الغلا فيني *** والله يا من يحط الكحل بعيونه ما شافت حدود حبك في الغلا عيني لاجلك شمولية الوزان مطعونه منها تسيل البحور ولا تكفيني