حيل الله اقوى مابقى في يدي شي
مافيـه حـل ٍ فـي يدينـي ذخرتـهـ
حاولت .. لكن المحاصيل هي هي
الطيـر طـار ولا بقـى الا شجرتـهـ
وقفّت اشوف شويّ واغمّض شـويّ
واللي انكسر في خاطـري ماجبرتـهـ
لين الحقت شمسي على بـارد الفـيّ
وشفت ان كل اللي جمعتـه خسرته
من كثر ماعزيت ريقي عـن المـيّ
مل الصبر من كثر صبـر ٍ صبرتـهـ
كم هقوة ٍ ضاعت على سكـة الغـيّ
وكم حلم ف( تراب ) الحقيقه قبرتـهـ
واقف .. وطعنات الزمن كلهـا فـيّ
وساقي لو انـه كـلّ منـي كسرته
بعد ماعاش اليأس في احساسي الحيّ
اخوي .. لو هو صد عنـي عذرتـهـ
مدري عن اللي كنت احسبه بقى لـيّ
اللي حزمت ابـه الضلـوع وذكرتـهـ
اللي طوى حالي بحكم الهـوى طـيّ
قصر .. وانا كل الطريق اختصرتـهـ
ماهو خطاء لاقلت > تأمر على شيّ <
الا الخطاء لا اشتقت لـه وانتظرتـهـ
رد مع اقتباس
!
