تعال اسكن وسط صدري وبدد وحشة الوجدان

**رايق البال** · 28-07-2015, 01:15 AM

يسعد صباحك / مساكم
هلا بالجميع ...
لقاء متجدد يجمعنا احبتي واتمنى ماراق لي يروق لكم ...

تعال اسكن وسط صدري وبدد وحشة الوجدان
واذا حسيت بالغربه تسلى رتب ضلوعي

تعال اسكن بصدر (ن) ماتمتع في دفاه إنسان
سوى اللي من عرفت وحبهم بالقلب مشروعي

اي والله اسكن بصدري وانتبه للقلب والشريان
ماهو خوف (ن) عليه الا غلاكم فيه مزروعي

ياورد (ن) طايفي ياجوري(ن) مايزرعه لبنان
ياهتّان الربيع المختلف بالكّم والنوعي

لفا طيفك ولجّ بمنزلك يالغالي التحنان
عسى طيفك بشوفك ياشفاة الروح متبوعي

على وزن اليتيم اللي كتبته مامعاه اخوان
نويت اكتب مشاعر خاطر(ن) بالحيل مليوعي

على شأن الوحيد اللي ذنوبه مالها غفران
ذكرته مانسيته لو ذنوبه فيني تروعي

رقيق احساس والألماس منه يغار بالأثمان
كريم (ن) في شعوره بأتجاهي ماقطع جوعي

بخيل (ن) بالوصل للي تجرع منةّ الحرمان
تقبلت الكرم بس البخل ماهو من طبوعي

قبل كانت مشاعر داخليه ضامها الكتمان
على صدفه تفجر في حشاي وتوقد شموعي

هلا ياوردة (ن) في خاطري ماضمها البستان
آسجّ احيان لكن لو ذكرتك ضاعت سنوعي

هلا يالؤلؤ المكنون في المحار يالمرجان
هلا ياسّر سجّات الخيال وسبة فزوعي

تعال اسكن وسط صدري وبدد وحشة الوجدان

واذا حسيت بالغربه تسلى رتب ضلوعي

اخوكم / رايق البال

**بقايا طيف** · 28-07-2015, 01:24 AM

لا ينتقي الرائع
الا الرآآئعوون امثالك استاذ

قصيدة ولاآروع ومن القصائد التي احفظها عن ظهر قلب
انتقاء مميز وعذب
رائع وأكثر
سلم لنا أحساسك الرآآئع
ننتظر القادم بشوق

دمت وسلمت

**عملاق الشعر** · 28-07-2015, 07:02 AM

الرايق

نص في غاااااااااااية الروووعة استاذي
كلمات رااائعة جدااااا

سلمت يداك المبدعة وذوقك الراقي

**حبي خالص** · 28-07-2015, 08:03 AM

كم تروق لي هذه الكلمات
الله عليك رايق .. جدا ابدعت بالاختيار
دامت لنا روعة اختياراتك

" نص يستحق النجوم الخمس "

**نوارة الكون** · 28-07-2015, 09:02 AM

اختيار راقي ومتميز استاذي الفاضل

ربي يعطيك العافيه

**ツઇ قلبٓ طِفلَةّ ઇ** · 28-07-2015, 09:52 AM

السّلامُ عَلَيكُمْ

أَخِي .. تَمَلُّكَ ذائِقَةِ شَعْرِيِهُ رَائِعَهُ
وَاِخْتِيَارَاتِكَ لِلْنُصُوصِ مُمَيَّزَهُ
كَن مُلَّك الْحَرْفَ
وَفْقَكَ الْمَوْلًى