زجـــاجة فارغة

[مائة بيسة]

11/11/2013
Monday
صباحكم سعيد...صباحكم وناسة...صباحكم لقاء



البارحة رديت من الدوام وحدي كنت نعسانة وجوعانة اكلت نودلز وقعدت ع التي في اتابع مسلسل ( ياسمين عتيق)



مسلسل حلو لايفوتكم هع بعدها حطيت لبان بالبيت وقعدت اطالع مسلسل ياسمين واذن المغرب صليت وقرأت قرأن
بعدها جهزت للدوام وصليت العشاء وهم رديت ع التي في اتابع مسلسل فاطمة...
وبحدود الساعة 10 ونصف رحت السوبر ماركت خخخ ورديت ( كررروب) ونمت وانا أتألم ببطني وخاصة جهة اليسار ألم فضيع



اليوم الصباح قبل الدوام رحت عند خالي اطالعه واعطيه غرض من عند امي بفندق سيتي
سنتر اليوم بيروح ( ترا نازل ترانزيت) عاد الله اعلم متى نلتقي عاد

امي البارحة طالعت صور اتوتو وكيف متعور فديتها تغير شكلها تبي تصيح تقول مابي اشوف هع..وهو رايح دورة للتنمية المؤسسات الصغيرة والمتوسطة
يارب توفقه



وبيوم الثلاثاء عمي بيروح الهند رحلة علاج ربي اشفيه
ورده لنا سالم يارب اشفيه





قررت اروح مع الاهل صلالة صج موب خاطري بس مو مشكله تغير جو وعناد لناس هع



جاء واحد بالدوام ياربي وايد يسأل شو المطلوب وشو وشو ...

[مائة بيسة]

13/11/2013
Wednesday
صباحكم سعادة...صباحكم محبة...صباحكم شفاء

ادري وحشتكم مايحتاج تقولون لي هع ..





البارحة مادوامت كنت مريضة توب يعني مافيني

اتحرك ابد...من الفجر الساعة 4 ونصف وانا اعاني اخذت حبوب انواع واشكال وجسمي

هزلان...جاية اطلع من المطبخ حسيت بدوار وطحت ع الصوفا زين ماضربت بشي...

المهم رحت السرير وقعدت اتقلب من الالم لحد تخدرت ونمت وصحيت س11 خلصت

اموري ورديت مرة ع السرير نمت لحد س5 المغرب وصحيت وطالعت تي في وملانه مو

متعوده مااطلع ابد قلت بروح اشتري خبز واخذت هينة وعموري معاي اخذت الخبز ولفيت

كم لفة ورديت البيت ( وكنت جوعانه لان من الصباح مااكلت

بعدها قلت اكل اي شي اخذت خبز و 2 شيبس واكلت ونمت) لان جسمي كان يعورني حيل

حيل..





اليوم الحمدلله تحسنت


رغم ألم بسيط فيني بظهري واسفل بطني...وعن اتوتو ترا تقرر يسون له عملية بكرة (

ربي يشفيه) وعمي سافر البارحة والحمدلله وصل بالسلامة يارب اشفيه ورده لنا بعافيه








اوقات نتمنى ناس نحبهم يكونون جنبنا لكن للأسف مانحصلهم يتعذرون لنا بااسباب مثلا

انشغلوا الخ وبالاخير بروحهم يقولون لك بصراحة مابغينا نشغل بالك صار فيني كذا وكذا

الحين ببالي سؤال شو فايدة يكونون مقربين منك وبالاخير يقولون مايبون تحاتيهم؟؟!

هذي سخافة...المفروض مثل ماانت تقوله شوفيك هو يخبرك.




عجبتني الكلمات.......واقع



المفروض ارتاح بس بالدوام ماكو راحة ( سبحان الله لما ماادوم يوم وحدة اليوم الثاني تطيح المكدة...
تعبت مرة فوق مرة تحت ) انكسر ظهري وبطني تعب خخخخ اجوع وايد اشتغل




وصح وين عاشقة القطط مختفية وبعد مختلفة هم ماشفتهااااا



صدقت والله



اني فقط أتألم..ربي اكتب لي الشفاء العاجل

[مائة بيسة]

Thursday
14/11/2013

صباحكم نقاء...صباحكم صفاء...صباحكم حرية...صباحكم سلالم



البارحة رديت من الدوام وخلصت كل اموري بكير...وحصلت هينة فديتها مريضة ربي يشفيها
وقعدت ألعب Relph's بس قبلها طالعت ياسمين عتيق ( حماس لبسهم) بعدها ياسمين وشوي من مسلسل
فاطمة ...بعدها قعدت اعطي نصايح لاتوتو لان اليوم عمليته يارب تقومه بالسلامة.



ماكو اخبار غير ان بعد الدوام بروح المستشفى أقعد مع اتوتو وفيمي قالت بتجي بعد
اما امي تقول ماتقدر ( ترا الوالده حساسة بمرة تصيح)



صح صح نسيت اخبركم البارحة 56 والوسمية صار بينهم خلاف تعرفون السبب شو؟

تقول 56 لأمي انتي تحبي الوسمية اكثر مني هع

( عاد انا خبرت الوسمية بيسون فيك نفس سيدنا يوسف اشلون اخوانه سوا فيه)



فيني جووووع سنانير اممم لذيذ ع قولة عموررري



جوعاااااانة ( رغم اني اكلت تفاح 1 الصباح هع )



اعجبتني الجمل وبشدة...

[مائة بيسة]

18/11/2013
Monday
صباحكم وطن...صباحكم محبة...صباحكم جمال



البارحة رديت من الدوام بدري وقعدت احاول اصلح التي في ماادري من لما مطرت
مارضى يشتغل....( عاد انا ماااحب اطالع شي ضايع بدون مااصلحه)
والجو كان حده رهيب هواء بارد يالله



المهم ماكان في شي يذكر غير نمت بدري حتى جأني 16 اتصال ولاشفتهم
( كانت فيني نومه من الخاااطر)



اليوم عيد ميلاد دريم كل سنة وهي طيبة...سبحان الله افترقنا رغم ماتوقعنا هالشي
المفروض الحين نكمل السنة 6 لصداقتنا سوى مو لمعرفتي فيها
الله يرحم اول كنا 24 ساعة سوى


محد مداوم لحد الحين خير ان شاء الله هع لاتكون اجازة وانا مو دارية

[مائة بيسة]

اتوتو طلع من العملية وهو بخير ...ياربي متى يخلص الدوام واروح اطمن عليه قلبي يدق بسرعه ( من الناس اللي بمرة تحاتي) يارب تشفيه.



مالي غنى عنك ....مجنووووني

Sunday
17/11/2013

صباحكم خير...صباحكم عافية..صباحكم اجواء باردة



بيوم الخميس كانت عملية اتوتو والحمدلله نجحت العملية وهو بخير ( الحمدلله) بس كان يتألم ( ربي يشفيه)
وبعد الدوام رحت قعدت عنده لحد المساء وجأت فيمي وقعدوا يتمصخروا ع بعض
( هذول الاثنين محد يجمعهم سوى)
ورديت البيت تعبانه حدي ونمت بكير ( بس مانمت عدل كل مرة اصحى )



صباح الجمعة صحيت وخلصت اموري وتجهزت ورحت انا والوسمية وامي المستشفى
عسب نزور اتوتو والحمدلله حاله تحسن ع اليوم اللي قبل.
بعدها انا رحت اساعده يخلص اموره وامي راحت تزور شخص ثاني
وطلع اتوتو من المستشفى...وبليل رحت انا وفيمي وهينة وعموري واتوتو نطالع المزرعة...وكان رذاذ خفيف ولما ردينا المعبيلة وااااو امطار وبعدها رحنا لعينك
وردينا البيت بااتصال الوالدة هع انتوا بخير..



السبت مافي شي يذكر غير غسلت ملابسي وبعض التجهيزات وسويت بيت صغير من كرتون ومخدات لسنورتي الحبيبة ...ع قولة اختي هالسنورة كأنها وحده من البيت.

وحالة اتوتو الحمدلله تتحسن وعمي ماعندي اخباره عساه بخير



مجنووني كن بخير...لاجلي فقط



كم اكرهك ياسبونج بوب

[مائة بيسة]

مزاج اتوتو هالايام وايد متعكر وصاير عصبي ( اعذره يمر بضغوطات نفسية من عمليته وعملية عمي)
الصورة روعة ( احب البحر واعماق البحر) افكر اروح رحلة بحرية





خاطري اطالع هالمسلسل يحكي قصة ...سهل بدل القراءة



لما تقرأون ع ايام قبل ماتتمنون لو عشتوا هذاك الزمان؟؟!
ايام حلوة ...



طالعوا الغباء....خخخخ
ياعالم رقبتي تعورني ( هالايام مااعرف انام عكس رقبتي بصوب ويدي بصوب)



حبيبي انا



اكثر الافلام شلخ الافلام الهندية
مااطيقهـــا

[مائة بيسة]

المشاركة الأصلية كتبت بواسطة عاشقة القطط
هههههههه بَغيت أمَوت مَ الضضضحك
عَب لو جَيه السَآلفهه وقسسَمن بيـردوني الحَضضآنهه
+
الله يششفيج ويشفي عمج وأتوتو مَعآفـآيـين يَآرب




امين ياررررب...تسلمي حبوبة
باانتظار سوالفك...وهالايام واي ماتسولفين وايد ها؟؟؟
مدرستكم حركات ...تفتيش شو عندهم؟
( الصورة مقصودة لك هههه)



لما البنت يرت فونها وهي تسمعه من بعيد او حد يخبرها فونك يرن؟؟؟


اوهو نسيت ابارك لكم بمناسبة العيد الوطني اليوم اقول لاتوتو خشمك بمناسبة العيد الوطني...فيمي تقول نروح نطالع الالعاب النارية بس انا اقول لو وقفت فوق سطح البيت او بعد دوار شرطة الخوض بطالع ليش نروح لحد دوار بركاء ( زحمة)



يالبي انا


مجنوووني وينك تعال ( مشتاقلك)



من مالعبها هاللعبه...ع قولة 56 انا بمرة اندمج بالالعاب


لكل من احب



كيوت....



ماتحسون شعور غريب ( لان العيد الوطني في شي غريب)
تحس ان في مناسبة




عاشقة القطط ( فقط)




تابعوا هالفيلم حلوووو
http://www.youtube.com/watch?v=KlNsiklGYk8



يستأهلون الشباب ( بس مو كلهم)



رحمته خخخخ تذكرني بحد هع

[مائة بيسة]

نتضايق لما نحب ناس واخر شي نطالعهم متضايقين ويفكروا وبالهم مشغول



جميل...فقط انا ومجنووني





ابي اروح العمرة لكن مااعرف كيف الجدول هالسنة...



للشهد ( فقط )

[مائة بيسة]

افكر احط حناء شو رايكم ( المشكله رائحته تلوع) او احط حناء سوداني؟؟

البارحة كذا مسيرة تمر منطقتنا ( البيت جنب الشارع) المهم شباب يرقصون وبيب بيب
فجأة اطالع سيارة اختي وراء مسيرة الشباب هع اطلع برع القاها جاية البيت تقول كانت رادة من الدكان وبالدرب صادفتهم خخخخ



انا ومجنوووني فقط قصة لاتنتهي...


20/11/2013
Wednesday
صباحكم اجواء رائعة...صباحكم حب...صباحكم محبة ...صباحكم رومانسية




البارحة رديت من الدوام هم بكير بدون اي دقيقة تأخير هع...وبعد صلاة العشاء رحت انا وفيمي وابم مملكة نخلص بعض الامور ( قريباَ بخبركم شو هي)
والتصميم علي انا وام مملكة ( عساه يطلع نفس اللي ببالنا)
بعدها ردينا البيت وكان في اجتماع للعائلة ( برع البيت) وحضرت الاجتماع
وخبرت كل وحدة شو تسوي ( الاكيد يسمعون كلامي)



بعدها قعدنا سوالف وضحك وانقعلوا بنات خالتي وخالتي قرب س11 ونصف بعدها
رحت السرير ونمت ( بطني كان يسوي صوت من الجوع مو مأكلة من حزة الغدا)

اليوم الصباح اخذت لي 2 بطاطس وتوب فروت هع ( احسن اخف كم كيلوا)



كم هو سخيف مستر بن



احبك احبك احبك واموت بكلمة احبك
مجنوووني وينك تعال
http://www.youtube.com/watch?v=GkESh-Rw6gA



مجنووني فقط بدمي يسري/ اغلى من عيوني
وينك حبيبي/ انت الحياة عيشني ليلة بقربك



عموري احبك ربي يخليك لنا حبيبي وربي يسعدك طول عمرك مع خالتك ( انا)
هع

[مائة بيسة]

8/10/2013
Tuesday

صباحاتكم اجواء رائعة...صباحاتكم نفحات ايمانية...صباحاتكم مسيرة ولاء وعرفان



البارحة وصلت البيت بدري وطبعا قعدت شوي مع ماماتي و56 ومالونس تخطيطات الخ..بعدها رحت اغسل ملابسي رغم ان في رياح بس مااطيق اخلي كذا لبسة مااغسلها..بعدها رحت السطح مع مالونس واخذت دراجته وقعد يلعب وجات 56 معانا وبعدها صليت المغرب وخلصت كل اموري والمفروض نروح انا وفيمي صوب بركاء لكن خبرتها اليوم الشارع مزحوم خليها باكر,,,



بنات خالتي سلمى خبرونا خلا المسيرة ها رسلت لهم هذا فسق خخخخ مافيني اسير حال مسيرة ولاغيره زحمة.



مبروك عروستنا يارب بارك عرسها مبروك عروستنا




اتوتو تعدل مزاجه صار احسن الحمدلله بس اليوم الصباح صار بايخ



اكره شغل المطبخ والطبخ....



البارحة جأني رقم غريب ذكر اسمي ال 2 من يكون مابعرفش ع قولة المصريين
نسيت اخبركم البارحة رحت اسوي رياضة مع اختي المهم فجأة اطالع سيارة
جاية قدامنا المهم طلع اتوتو





ضحك تايم

افكر احط حناء شو رايكم ( المشكله رائحته تلوع) او احط حناء سوداني؟؟

البارحة كذا مسيرة تمر منطقتنا ( البيت جنب الشارع) المهم شباب يرقصون وبيب بيب
فجأة اطالع سيارة اختي وراء مسيرة الشباب هع اطلع برع القاها جاية البيت تقول كانت رادة من الدكان وبالدرب صادفتهم خخخخ



انا ومجنوووني فقط قصة لاتنتهي...