البـــــارت 2
مــن أغلــى ناســي
الساعة 7 بليل يوم الاربعاء
في بيت ابو نوفل
الكل جالس في الصالة
ام نوفل : ابو نوفل هالاسبوع ملكة محمد ولد اخوك بروح
عند اختي حتى اروح وياها عاد
ابو نوفل : طيب براحتك انا ونوفل بنروح من البيت عيل
كيف ميّ وفيّ بابا ترحوا مع امكم ولا اوصلكم بيت عمكم
ميّ : بروح بيت عمي
فيّ: وين تروحي ترا عندنا اختبار مد سمستر حبيبتي
ميّ: اوه صح نسيت عيل بنجلس نذاكر
ام نوفل : ما عليه هنا سالي(العامله ) معكن ربي يوفقكن وترا
الاسبوع الجاي حفل تلبيس الدبله
ميّ وفيّ: ما يخالف ترا الا ملكه ربي يزوجنا هههه< مره فوادهن
ابو نوفل : امين
ام نوفل : اول خلصن مدرسة بعدين فكرن بالزواج
ميّ وفيّ بحزن : ان شاء الله
ميّ: ياخي ما يصير احد يعبر عن مشاعره بهالبيت <مره تبي تتزوج
ام نوفل : عبري ما احد ماسكك بس على قدكك
ميّ:\ حزينة اونها \حاضر ماما
نوفل :\ ارساله متأخر\ يعني بلبس خنجر يوم الجمعة
ابو نوفل وهو يضحك : بلبسك الخنجر والبشت بعد امر انت
نوفل الفرحة ما وسعته ،،،،
في اليوم الثاني بالمدرسة فيالطابور
المديرة : كيفكن بنات سمحلّي باخذ من وقتكن شوي
\علوش تعلق : خذي وقتنا كله مع الحصص يفداك بس لا ندرس
والبنات يضحكن على تعليقاتها \
بصراحة ما اعرف متى تكبرن (بصراخ ) في بنات يجلسن
عند البوابه في الفسحه وهناك يمروا اولاد ليش يجلسن هناك
وكل وحدة تعرف نفسها لو شفت وحده عند البوابات الخارجية في
وقت الفسحة انا بطلع منها بسويلها استدعاء ولي امر
انتن كبار احيد وتعرفن ذا عيب الي تسونه فهمتن
شكراً ...
خلصت المديرة كلامها وصفقن البنات على خيبتهن ههههه المهم استازة فاطمة بصراخ :بنات وأت التفتيش دي الواتي
يلا تفتيش للملابس المدرسية
والنزافة الشخصية واي بت مش هتطلع حكسر راسها
كل استازة الحصة الاولى تفتش بنات صفها
(هذا تفتيش دوري كل شهر يشوفوا فيه تقليم الاظافر والملابس المخالفة والمكياج وبناطلين السكيني و الي تطلع شعرها)
ومن الحظ ميّ لابسه مريول(دريس) طويل \مسموح المرايل
الطويلة والقصيرة بس ما تكون فوق الركبة\ ولابسه تحته
برمودا مال البيت لون ازرق وطبعا ممنوع تلبس تحت المرايل
المدرسية غير بنطلون لون ابيض
وكانت مدرسة الحصة الاولى استاذة خديجة حجت الاحياء
............................
استاذة خدوج:30 سنة استاذة ماتعرف تفهم البنات الدرس
ومالها شخصية ،، معينة جديد وشخصيتها بريئة كل شيء تتكلم
فيه عندها ولدين وبنت وهي مال الواديان
................................
المهم استاذة خدوج جالسة تفتش البنات لحد ما وصلت
عند ميّ عاد هي كانت تحب ميون بس وقت التفتيش
\مافي احبك وتحبني لان هذي اوامر واستازة فطوم بعد
كانت تشوف بين الصفوف \ المهم
استاذة خدوج: ميّ رفعي المريول اشوف شو لون البنطلون
ميّ بمكر: استغفر الله استاذة عيب استحي بصراحة< ما شيء منه هههه
استاذة خدوج : عادي كلنا بنات عشان بس لون البنطلون ما
مطلوب منك ترفعيها كامل
ميّ : اعوذ بالله من شر الفتن استاذة ما اقدر ما شيء يضمن البنات <لاه يا شيخه
استاذة خدوج انحرجت: ميّ عادي ما احد يعني بيركز
ميّ: استاذة اسفة بس اخاف تكشف رجلي وانا بنت اخاف الله ومثل
ما خبرتك ما احد يضمن احد والبنات يشوفن < خلي عنك المكر يا المطوعه هههه
سعده \زميلة البنات في الكلاس لابسه مريول طويل\: استاذة شوفي
انا لابسه بنطلون ابيض ورفعت مريولها شوي وقالت عادي
كلنا تقريبا نلبس بناطلين بيضاء بس مال البيت حرير وعراض
عهد \ زميلة البنات في الكلاس لابسه مريول طويل\: ايوا
استاذة حتى انا شوفي ورفعت مريولها شوي
استاذة خدوج : بس بنات ما احد مخالف في اللبس بس اللي لابسه
اكسسوارات تشيلهم قبل لا استازة فاطمة تخرجها على ارض
الطابور
البنات : تم وكل وحده تخلي خاتمها ولا اسوارتها في جيبها
لانه ممنوع ..
وخلص وقت التفتيش وكل البنات على الصف وراحت من
الحصه الاولى شوي وقت والبنات المخالفات تتفاهم معهن
استازة فطوم مع الاخصائيه\وللعلم يعطوهن مقص يقلمن
اظافرهن للي اظافرها طويلة والي مخالفة باللبس يكتبوا
لها نوت \ عجيبة المدرسة
المهم في الكلاس فيّ تسأل مروش في الاختبار للاسبوع
المقبل لمادة الفيزياء اللي مسويه لهن قلق وجالسات يتناقشن
في الفسحة ثم رن الجرس للحصة السابعة
عندهم اللغة العربية استاذة نهى ،،
فيّ: الجاسوسات شو عندنا الحين
علوش: حبيبة قلبك عندنا عربي
فيّ : اوووه نسيت استاذة نهى ما احد اليوم ما جايه
نور: حلفي
فيّ: والله امس هي خبرتني كنا نتراسل
نوار: حيوانه ولا قلتي لنا
ميّ: صدق دبه انا اختك وما خبرتيني
فيّ: والله نسيت اخبرك ميون كنا منشغلين في الملكة لاه
علوش: يعني فااااضييين حمااااس خلى ندور لاه
مروش : بنااااات فاضين ما جايه استاذة نهى
البنات : وووووو حماااس
علوش : خلى نقشب نبق <جوعانه البنت تو مخلصه الفسحه ههه
نوار : خلى فوقه < فوقه ولاتحته ههههه
نور: خلى ندور بيب حتى نقشب النبقه < ههه متحمسه البنت
ميّ: اذا ما لقينا عصا نضربه بالحصى لاه
فيّ : انا بجلس افهم الدرس في الفيزياء جيبلي معكن نبق
مروش : انا بجلس افهم فيّ وافهم منها بعد
علوش : بس تمام 5 نبقات ب100بيسة
فيّ: مع نفسك
مروش: ما منتزقين منك نور وميّ ونوار بيجيبن لنا
علوش (وبوزها على جنب) :ما يقدر الواحد يسوي تجارة لبر
يحشرنه ههههه
نور ونوار وميّ وفيّ ومروش يضحكن عليها ههههه
علوش : خلى روحنا بنات ياخي جوعانه
مروش بضحك : جوع الشوع يا رب
علوش : في بطنك يا حاسده ههههه
المهم راحن علوش ونور ونوار وميّ يقشبن نبق خلف المدرسة
ورى كلاس صفوف سوابع \تكون على جانب هالصفوف\
وهن يقشبن علوش تعق حصى في الشجرة وبالغلط ضربت
مكيف واحد من صفوف سوابع وطلعت الاستاذة من الصف تتنازع
وشرد ما تشرد كل وحدة رفعت مريولها منهم ميّ المطوعه هههه
وركضن لدورات المياه واللي راحت تشرب وتغسل وجها كانها
ما عندها خبر بالسالفة والاستاذة هناك تتوعد لو شافتهن بتاخذهن
للمديرة هههه وبعد ما رجعت لصفها هالاستاذة طلعت علوش
راحت تجيب النبق اللي طاح منها في الممر هههههه
\فيها بارض بعدها هالهبله\ملايمه ترس كيسه وعاد راحت تنادي
البقية يطلعن حتى يرجعن الصف\راجعات الصف وكل وحده
خدها الاحمر من الثاني من الضحك \ عاد خبرن فيّ ومروش
يشاركنهن الضحك
فيّ خلصت فاهمه اللي كانت ما فاهمتنه وجلست تطبل و
مروش وسعده ونور يصفقن وميّ تغني وعلوش ونوار يقولن
عاشوو رووح يميين لا لا يسار تنكس
وسوسن( بنت معهم في الكلاس مال ربشه ورقص
وكذا) طالعة في الطاولة وترقص والبنات متحمسات كلهن
ومها ورشا من شلة الجاسوسات يرقصن والصف فوضة
من الفوضه الي مسويتنها طلعت استاذة فايزه كانت في صف
11/1 تعلمهم انجلش ووحده من البنات انتبهت لها و
قبل لا توصل الصف صرخت وقالت فاااازوووه جااايه
كل وحده تجلس مكانها وانتشحن البنات اللي مسويه
نفسها مريضة واللى تذاكر واللي اندست
في الدولاب واللي جلست تنظف الصف واللي جالسة ورا الباب
\ وحش ما استاذه اعوذ بالله \وصلت استاذة فايزة الصف
وفتحت الباب بقوة واول ما تكلمت قالت
: شو ذي قلت الادب اليل مسويتنها صوتكن واصل لوين
زلوخ : استاذة ما سويت شيء جالسة اذاكر
أ. فايزوه :عيل من مسوي الربشه حبوتي صوتكن واصل لاخر
الممر
علوش: ما سوينا شيء استاذة\وانتي شو يوديك اخر الممر مكاره\
أ.فايزوة: بعدكن اكثر من كذا شو تبن تسون والله اسمع حس وحده
فيكن بعلقها \شحطه بلاش ذي الاستاذة\ وين رئيسة الصف
نوار : انا استاذة
أ.فايزوة : تعالي وقفي عليهن اي وحده تتكلم كتبيلي اسمها وجيبلي
اياه انا اطلع منها
نوار : تمام هبله (بصوت خافت)
راحت أ.فايزوه وسكرت الباب بقوة \اونها معصبه \وتتأفف كأنها
متقززه
..................................
أ.فايزوه : 29 سنة ما متزوجه كريها وهي معلم اول انجليزي
طويلة وضعيفة ورافعه خشمها وتكره صف 11/2 بس شرحها
اوكيه ودائماً تتفشر بكلاسها11/1 مع ان 11/2 هو اشطر فصول
في فصول الحادي عشر
.................................................. ...
اول ما طلعت الاستاذة نوار دلعت لها لسانها وعلوش
والبنات رجعن يسولفن عن الجن مسويات دائرة كذا ع الارض
كأنها جلسه و لكن شيء مألوف قبل لا يسولفن يكملن حش
بالاستاذة الكريه فايزوه ولما يشبعن يبدين سوالف
وكلها اصلا ربع ساعة انتهت الحصة
وكلها حصة وانتهى اليوم الدراسي
كان يوم كله مغامرات
بس ترا الاجازة هم وراها اختبار فيزياء
يوم الاحد
وفيّ وميّ ونوار ومروش اتفقن انهن يجتمعن
في بيت نوار يوم السبت حتى يدرسن الفيزياء بتدرسهن
اخت نوار معلمة فيزياء
وعلى الاتفاق في يوم السبت ساعة 3:30 بعد صلاة العصر
تجهزن ميّ وفيّ بيروحن مع مروش بيت نوار
وشلهن اخ مروش خالد
.......................
خالد: 23 سنة موظف حكومي طويل ووسيم زي اخته
رموشه طوال وشعره ناعم لحد رقبته وفيه سكسوكه وغمازه
على صوب اليسار وحبوب ومعجب بنوار
.......................
وصلهن خالد لبيت نوار
نوار من الحماس تنتظرهن برا
خالد\ يالبى اللي تنتظر\: خلاص مروش خبريني لما تخلصوا
حتى امركم
مروش : طيب ماي برذااا بااي دي الوأتي نلتأي على خير
خالد: ذلفي زين
مروش :شكرا
ميّ وفي ّ ماسكات ضحكتهن لحد ما نزلن لسيارة وانبطن ضحك
على مروش وخبرن نوار تتقصبل عليها زيادة هههه
المهم البنات شادات حيلهن يسمعن كلام ا.اميرة اخت نوار
وخلصن بحدود ساعة 8:30 وبهاالاثناء كانت ام ميّ وفيّ
ترسل رسالة لفيّ حتى تطمن عليهن لان ميّ ما شاله فونها وهم
تلفون فيّ كان سالينت وما شافت الاتصالات وشافت بس
الرسالة ولا بعد ما عندها رصيد فما قدرت تطمن امها
وستأذنت من مروش تتصل على امها
من تلفونها وتعلم امها انهن خلصن وبيجن البيت بعد شوي
فيّ: السلام عليكم ورحمة الله مامي
ام نوفل : وعليكم السلام ورحمة الله بنيتي كيف خلصتن
فيّ: ايه الحين مخلصين واميرة ما قصرت معنا
ام نوفل : فهمتن كل دروسكن
فيّ: ايه الحمدالله
ام نوفل : حليتن الاسئلة الصعبة مع اميرة
فيّ: ايوا اماه حلينا كل شيء ما قصرت اميرة
ام نوفل : جزاها الله خير سلمي عليها وعلى البنات
فيّ: ان شاء الله ،، يلا اماه اسكر وكلها دقائق بنكون في البيت
ام نوفل : يلا بنيتي في حفظ الله ما تتأخرن
فيّ: ان شاء الله يحفظك ربي
ام نوفل : امين ربي يوفقكن
فيّ: امين مع السلامة ماما
ام نوفل : مع السلامة
فيّ: باي
ام نوفل: باي
فيّ: شكرا لك مروش وتسلم عليكم الماما كلكم وتخص اميرة بالسلام والشكر
مروش ونوار: ربي يسلمها خالتي
على ذي المكالمة انسحب رصيد مروش مسكينة
الحين كيف تتواصل مع خلود اخوها ؟؟
راح نعرف التفاصيل في البااارت الثالث أنتظرووونا
من الحين للبارت 3 يسعدني تقبل ردودكم وملاحظاتكم
المشاركة الأصلية كتبت بواسطة رايق البال
..
البــــــــارت الثــــــاني
رد مع اقتباس
