مره طالعه مع الاهل سد وادي ضيقه
وكان هذاك اليوم رايحه معهم بالغصب لاني كنت تعبانه حدي وم فيني بارض
المهم اول ما وصلنا قالوا يبوا ينزلو تحت هناك المكان احلى
رحنا واحنا نازلين ومعنا الاغراض
كانوا كلهم ينبهوني يقولولي م امشي من هذاك الصوب عشان م اطيح
انا م سمعت كلامهم هههه ورحت امشي وطحت
وتلعوزت عباتي كلها
ماي وطين وكلهم يضحكوا علي. وانا م فيني بارض
وعاد قلت م مشكله بفصخ العباه عادي
وطوفت السالفه ولا كأنه صاير شي وعاد لما وصلنا المكان اللي نجلس فيه كنت ماسكه ف يدي شاي واشرب وكنت متعمده منعزله عنهم
بس بنت اختي الله يهديها جايه تمشي صوبي وطاحت
وانكب كله الشاي ف ملابسي
عاد هذاك الوقت من الغم عقيت الشاي ورحت اخذ مفتاح السياره مال اخووي
والحظ كنت شاله ملابس احتياط م تحملت اجلس ع هذاك الحال رحت اغير ملابسي
والمهم زين عدا هذاك اليوم ع خير ولا كنت مرتكبه جريمه فيهم