حيّاك ياللي لفانا من عقب غيبه
حيا الله هالصوت وحيا صاحبه الغالي
الغالي اللي عليه من الورع هيبه
هيبة ملك دوم يرقى المنزل العالي
ياوالدي وسيدي وتاج(ن) اماري به
ياسيفي اللي اسلّه ف وجه عذالي
لاقلت قابوس يقول الزين وش لي به
الزين هو بس وانا بالمركز التالي
انته المعلم لشعب(ن) زاد تهذيبه
مصدر فخر للوطن ياطيب الفالي
لامر اسمك جميع الناس تهذي به
ياسيد عمان سليل الجد والخال
يفداك شعب(ن) بمجرى الدم يسري به
حبك ويشريك ولو مرّ الزمن طالي
بقلم الشاعر المبدع
الاستاذ / رايق البال