((تفداك روحي))
ليت الهوى لما يبادلني معك
يعطيك عني كافة الحس وشعور
ياكل عمري لوحياتي في شبك
من خلفها دنيا غلاتك بي تدور
بعطيك مود اللي بقلبي قد خذك
مع راحتي مع فرحتي وأصل السرور
لما عيوني عن غرامك تسئلك
أوتسئلك عن حب أوبعض الامور
تقول قلبي في يديني ممتلك
تفداك روحي لوأتى مني قصور
ماهي لغيرك هي لقلبك ثم لك
وأنت الذي تامر عليها أو تثور
هذا الشعور اللي أتي من غير شك
فيك أرتمى ماعاد تجبره الكسور