هـلابـك مـانـي بـقـايـل وش الـلــي طـــول غـيـابـك
هـلابــك بـعــد هالغـيـبـه هـلابــك والـولــه حــيــاك
تعـال اجـلـس بسولفـلـك وش الـلـي صــار بحبـابـك
بـعـد ماطـالـت الغيـبـه وش الـلـي سـوتــه ذكـــراك
عسى ماشر.؟ وش هذا وش اللي ساكن اهدابـك.؟
شقى بعدي. وله شوقي . الم ضيقه وانا وياك!
حبيـبـي انـثـر اشـواقـك وخـــل الـشــوق يـزهـابـك
يضيـق الكـون فـي عينـي اذا شفـت السهـر خــواك
وتعـال اقــرب بـعـد اقــرب وهــات ايـديـك بحيـابـك
انـا ميـت مـن اللهفـه وحـيـاة الـشـوق فــي يمـنـاك
وابـيـك تضمـنـي اكـثـر ابتـنـفـس شـــذى اطـيـابـك
دفــى صــدرك ينسيـنـي وش الـلـي سـوتـه فـرقـاك
واقــول البـعـد زاد الـحـب فـــي قـلـبـي ولا عـابــك
لانــك بـعـد كــل غيـبـه تـجــي واشـوفـنـي دنـيــاك
واحــس انــي اعــز انـسـان واقريـلـك مــن ثيـابـك
وعـيـن دمعـهـا قـالـت تــرى مـابـه احـــد يـســواك
ولـكـن. فاللـقـى هـــذا كـــأن الـشــوق مـاجـابـك
لانـك مـو علـى خبـري حبيبـي فغيبتـي وش جــاك؟
وجلس يبكي على صدري حضنته قلت وش صابك؟
تـكـلـم قـــول لاتـبـكـي عـسـانـي فــــدوة لـبـكــاك
ونطق يصرخ انـا احبـك واعشقـك واعشـق ترابـك
وامـوت اهـون علـى حالـي ولا افكـر بيـوم انـسـاك
ولـكـن قسمـتـي قـالـت عـسـى الله يجـبـر صـوابـك
وقلت اسكت ولا تكمل عرفـت اللـي جـرى واشقـاك
عسـى مبـروك ليـه ازعـل وليـش اضيـق واشقابـك
عسـى مـبـروك مــن قلب"يحـبـك يعشـقـك يـهـواك
وانــا مــا لــوم مــن جـالـك وطــق بقسمـتـه بـابـك
لانــك بالبـشـر نــادر حبـيـبـي جـــل مـــن ســـواك
وهاللحيـن انـثـر اشـواقـك وخــل الـشـوق يزهـابـك
بلاش تعيـش فـي ضيقـه وعيـش اليـوم مـن دنيـاك
واذا حـــان الـفــراق وقـــال ودع بـالـغـلا احـبـابـك
عسـى الله يسمـح دروبـك ويصبرنـي علـى فـرقـاك
وبعـدهـا بطلـبـك حـاجــه وبطلـبـهـا مـــن اهـذابــك
الــى مــن هـلـت الدمـعـه تناديـنـي مـحــد يـســواك