تدري وش الي يجعل البال منحاس
والضيق في وسط الحنايا مقره"
ترك الصلاه ونظرتك عورة الناس
والمجلس الي تستحي ما تمره"
والا ترافق مثل دابس ودرباس
الي فتاويهم تجيب المضره"
اما يحدونك على شين الافلاس
والا لحق سمعتك بعض التشره"
وتدري وش الي يجعلك شامخ الراس
محشوم في ربعك ومحشوم بره"
اختار لك بين المصلين مجلاس
بالصف الاول كان تبغى المسره"
يكفيك ربي من عنا كل وسواس
دام القدر تؤمن بخيره وشره"
خلك مع الي خوته لول والماس
تلقاه في بارد زمانك وحره"
حياك اقلط في المشاعر والاحساس
وان غبت قليل افلان لله دره"