مره من المـرات كنت أمشي بالسوق
أتأمل الماشين وانا في عالمي أسرح
المشيه موزونه مشية ملـك بوثـــوق
النفس مرتـاحه وتبي في يومها تفرح
جينا مكان مزحـوم وكل الشباب يتوق
طالعني واحد ووقف قدامي يستمــلح
أغضيت جيت أمشي بس صارلي عوق
حط عينه في عيني وقام بقوه يتبجـح
ليته ماعرف يحكي أو نسى المنطوق
أوليتني رجـال أتفاهم معاه بالطــــرح
صــرخ بأعـلى صوت لاوالله إلا فـــوق
"لاكحل! لامكياج! والعيـــون تذبححح"!!
الكــل طالعني وكني حــــــرامي يبوق
بعض الحكي يحرج وبعضه ترى يجرح
ناس تطالع بخبــث وناس كلها شــوق
تبي تفهم الحاصل ووجيــههم تفضـح
تمنيت ألقى تحتي بدل الرخام شقوق
لجل اخبي روحي اللي بالحيــا تسبح
هزئته بس قليله فيه لوكلبشوه بطوق
قاهرني وانا اشوفه بكل غـرور يمـرح !
وين الأدب والشيم؟ وين احترام الذوق؟
يـــاللأسف !! تأملوا حالنا كيف أصبح ؟!
اللبيب تكفيه الإشاره ياشباب السوق
"القافـله بتسير ولو إن الكــلاب تنبح" !!
رد مع اقتباس