قم سوي لي من أبيض العود مدراس
با زيّن اللي فوق زنده علامه
قرّب لي المزمل على ملّه .. نحاس
وهات القلم من ريش طرف النعامه
من عقبها ... قرّب علي بيض لطراس
لألجه .. وقامت وسط فكري قيامه
يا جعل كلّي .. فدوة قروم أشراس
حتّى النهار يبان ضيّه و زمامه !!
وآنا أرتوي .. من غيّة القاف و أحتاس
من زعفرانٍ هل يروي سنامه !
لجل الذي معنّز من أخوال والفاس
(( فالعود واقع )) ولا عليها ندامه
يسوى بْعدي .. ولا من غدا الذود محماس
قنّد ظروفي .. وبالشهامه شهامه
لا حد بيني وبينه .. طعون جساس
ولا حد بيني وبينه ... بو خد شامه !
إن كان توّجت بغلا غيره الراس
حبّه على راسي كسيته عمامه !
عقبه .. عليّه إن الذرابه بلا ساس
تمشي و عسالله يا عضيدي السلامه))
تسقيني العمر المقفّي .. بمدامه
هادي .. وعلى ميناه تخفق حمامه !
ولا من حكا وش بلبلة قوم (( نوّاس ))
يسوى بلاها .. في نصخه و نهامه
يا خوك منطوقه شرى لظّ (( داماس ))
يبقى بقلبي كل عامٍ بعامه
رد مع اقتباس