جرح البدن نلقي طبيب يدويه
لا شك جرح القلب وشلون يبرأ
يا موجع قلبي ترفق برأيه
وش ذنب قلب شوعه نور بدرا
تقول مالك ذنب يامعذبي ليه
وانت الذي ولعت بالصدر جمرا
درب الهوى ماهو على الكيف نمشيه
كم ساري ساقه مع الليل قمرا
غط الجمال وخل عنك المشاريه
انت السبب في كل ما كان يجرى
أن مت باسبابك ترى خالقي فيه
باشكيك عنده يأخذ الحق جبرا
وان عشت من ضمن المصاويب ياهيه
الله كريم يبدل العسر يسرا
خالد بن سعود
رد مع اقتباس