قلبي صويب ي الأصيله بياني






ي فرحتي تكفين لو هو عشاني
ابغى ابتسامه تِفرح قلوب الاحباب


ياما كتبت احروف تشكي زمااني
ثم جاني التقييم من مزن الاسحاب


الغاليه تاج العِبر والمعاني
لبيه قَولي ي بعد كل من غاب


احيان احس الجرح ضيفٍ لفاني
والضيف من حقه تكون إله مرحاب


مرات اشوفه يعزف اللحن فاني
ومرات يرفع حظي من فوق مرقاب


ترددت صوت اللحن مع شِجاني
واهمس لضلع الصدر لا تصبح كتاب


يكفي عن الخلان قلبٍ كفاني
شخصٍ ولا غيره لو الوقت غلاب


وإن هلت الدمعات تكفي لساني
عناء شروح الجرح أو بعض الأسباب


قلبي صويبٍ ي الأصيله بياني
وتحته أوقع باقي الجرح ما طاب


وهذه ابتسامه لو زماني عصاني
جبْروت حره طالبه مني بعتاب