أنقى من حبة رذاذ فوق خد الياسمينه

[صوت الحمام]

في خفوقي لك حكايه ضمهاكتاب المشاعر!!
وفي عيوني لك مدينه ياحلوها من مدينه..

انت لو تامر على روحي من غلاتك بس تامر!!
فدوى روحي من غلاتك والله ماهي بالثمينه..

شفت عاد إش قد حبك؟ لا وعندي شي بقوله:
كل هالعالم بدونك أشبه بدمعه حزينه..

إحنا قصتنا قديمه وحبنا صادق وطاهر!!
أنقى من حبة رذاذ فوق خد الياسمينه..

إحنا لونكتب عشقنا ضاقت اوراق الدفاتر!!
وإن كتبنا شي تبقى اغلب كنوزه دفينه..

إنت تبحر في عيوني وأنا في عيونك أسافر!!
فوق غيمه من محبه لا شراع ولاسفينه..

جيت لك كلي وضوح بلا قناع ولامظاهر!!
وجيتيني من طيب أصلك لاغرور ولاضغينه..

تذكري بأول لقانا"كيف خانتنا الحناجر!!
الحكي عيا..وحروفه في حناجرنا سجينه..

وكانت عيونك مرايا بعثرت اوراق شاعر!!
وكنت أقرأ في عيونك رعشة الشوق وحنينه..

كانت الفرصه دقايق"عشتها مثل المغامر!!
مرني فصل العواصف والهداوه والسكينه..

تصدقي اني بعدها صارت ضلوعي منابر؟!
كم تعلاها خفوقي يشجب البعد ويدينه..

بصراحه:
في غيابك تنغلق كل المعابر!!
كل هالدنيا بدونك تنقلب صحراء شينه..

أفتدي نظرة عيونك واشتريها بألف خاطر"
ومن غلاتك بس عندي عيني صارت لك مدينه..

وسلامتكم..

[رايق البال]

هلا فيك صوت ..
نص واختيار بالتأكيد لايجيده سواك
الف شكر لجهدك واختيارك وتفاعلك الجميل
طابت لياليك ..
( نص يستحق النجوم الخمس)

[وآرف ❤️]

".ّ~
.
.
.
صوت الحمام
قصيدة جميلة بالفعل ..
^ كل الشكر لذائقتكِ الراقيه
^ طاب مسائكِ ✨؛

[الشيخه الفلانيه]

قصيده جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[حبي خالص]

صوت الحمام .. اختيار عذب
يعطيك ربي العافيه ويسلم ذوقك

[احساس روح]

رائع
شكرا لك......

[روح الحلا1]

رائع جدا انتقائك صوت
ربي يعطيك العافية..

[سحابة ممطرة]

انتقاء راااااائع عزيزتي
يعيك العااااااااااااافية
وسلمت يمناك

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ