الـبارحه هـاجت عـلي الـتفاكير "
لـيلي قـضيته بين هوجاس وافكار
ولا لـقيت لـما وطـا النفس تفسير
وأصـبحت كني راعي النار والغار
حـزنٍ بـقلبي كـسّر القلب تكسير
لـولا ضلوعي تردع القلب كـد طار
عـلى الـذي لـه داخل القلب تقدير
الـصاحب الـلي بيني وبينه أسرار
دار الـزمان وصـار بـالعهد تغيير
مـدري غدر بي مدري الوقت غدار
قـبل الـموادع قـال تذكرني بخير
إبعد وانا ابعد وافرض الحب ما صار
حـنا نـوينا وعـاكستنا الـمقادير
وهـلّت دمـوعه يـوم فكر بالأقدار
قـال الـنهايه جـعل دربك مسافير
حـاول تناسا اللي مضا صير صبّار
قـلت الله اقـوى ما طلبتيه بيصير
غـصب عـليّه قلت ماكنت مختار
يـاللي جـرحت القلب ليه المعاذير
جـرحتني لا تـترك الـجرح تذكار
وشـلون ابصبر كان شفتك مع الغير
وانـا الـذي عـليك من نفسي اغار
رد مع اقتباس
