ياكبر قسى جـرح السنيـن ويعنّـي
رجل الحزين اللي علـى حـد الإدراك
هذا أنا يـوم أخلـف الوقـت ظنّـي
الحزن حزنـي والسوايـا سوايـاك
بكيـت وأبكيـت العيـون وبكـنّـي
تعال شفني كـل مـا حـان ذكـراك
كـم واحـدٍ جانـي بعـدك وسألنّـي
شخبار من حبيت وأقفـى وخـلاك؟
وأصـد والحـزن الخفـي ممتحنّـي
وأن قلت منهو قيل ماهـوب يخفـاك
قيل العوض قلت العوض ما شحنّـي
والله لا هـــــذا ولا ذا ولا ذاك
يا مـا بعضهـم مرنـي مـا فتنّـي
يا جعل ماهم بالعوض فـي محيـاك
الله لا يجبـر عـزا مـن عذلـنّـي
ما جاه ما جاني ولا جاه مـا جـاك
واللي عذل ويقول (لو و لـو أنـي)
جعل يعشق لـه واحـدٍ كنـه إيـاك
ما فيـه شـيٍ فـي حياتـي غبنّـي
الا نهار أقفيت وأنـا أسمـع إبكـاك
الله مـن جــرحٍ قـديـمٍ مكـنّـي
أمداك نزفه لكـن ادواه مـا أمـداك
علـيّ كـم جـار الزمـان وطعنّـي
أسمع صدى صوت المعاليق تنخـاك
وين أنت ياللي كل مـا غبـت كنّـي
واقف على بـاب الأمـل وأتحـراك
ليتك تعـرف تخـون وأقـول خنّـي
على الأقل القـى سبـب وأتناسـاك
وليت الزمن فمحبتـك مـا خذلنـي
وليت الهجر من طيب خاطرك ورضاك
لـو أن قربـك والوصـل بالتمنّـي
ما غبت عن عيني كثر مـا اتمنـاك
خَايفْ يُطَولْ الْبُعِـدْ وتِسَـجْ مَِنّـيْ..}
ويَاْخِذْ مٌكَانِكْ شَخْص مَاهٌوبْ [ يِسِوْاَكْ]
وش عاد أسوي يومك أقفيت عني
لا أنا أتبع المقفي ولا أحب فرقاك
رد مع اقتباس
المشاركة الأصلية كتبت بواسطة ثابت الخطى
