لا لامست شفه على شفه
الكاس
تمنيتني كاس(ن) على طرف
شفه
ولا من لبس عقده على نحره
الماس
تمنيتني عقد(ن) على النحر
لفه
و لا من سمعت اسمه على ظوله
الناس
فزيت انا للصوووت روحي
تحفه
ولا من وصلي منه شعر (ن)
بقرطاس
شفت الجزاله بين حرفه
وكفه
و رحبت به ترحيب مره
بجساس
يوم (ن) لفى ماابين ربعه
وشفه
لا باس يا سيد الخوندات
لا باس
كف العتب واللوم يا زين
كفه
كود الوعد يصدق على ارض
مكناس
وين الهوى يا زين يضرب
بدفه
بارض المحبه بين طنجه
معا فاس
وين الغواني و الخوندات
ترفه
فيك الحلا كله من الراس
للساس
و الموت واقف بين خصرك
وردفه
و العين شهلا و الحراسيس
حراس
متوقضه مع كل رمش(ن)
ترفه
و الناس تحكي والحكاوي لها
ناس
و بعض الحكي ياصاحبي فيه
خفه
و صمت الشفايا ترجمن كل
هوجاس
و بعض الشفايا صمتها فيه
عفه
وهاجوس شعري مالعب فيه
وسواس
ما دام عفريت الشعر لي
يدفه
لاجل العيون الناعسات بلا
نعاس
ريح القوااافي بالجزااايل
تلفه
وشيطان شعري معتزل رنه
الكاس
ولو كان في بعض الشياطين
خفه
وحنا معك يازين ما نعرف
الياس
رغم الحسود ورغم راسه
وانفه
حنا هل الطولات و العزم
و الباس
و احنا اهل المعروف و اهله
وعرفه
و تمت حروف(ن) كنها در
والماس
من شاعر(ن) عذب القوافي
تزفه..
رد مع اقتباس
المشاركة الأصلية كتبت بواسطة شموس الحق
