#الحمل والله كبير#
^
^
^
^
ياسايل الحبر باناشدك ويش الجديد
جديـــد كل يوم عندك كان ماعندنا
الاسباب وعلومنا لوقلت ساعي بريد
شـــي ودنـــا بـــس ماهي دايما ودنا
الوقت ماضي يمر الوقت فينا اكيد
نكبــر على حدنــا وحدوده تحدنا
الذاكرة من شريط الذاكره تستعيــد
ونحن على كل يوم نعيش في وعدنا
مصيرنـــا مانحــدد لأننا مانحيد
مانعرف انقيس فيها قربنا بعدنا
العلم لله والمعنــــى بحجمـــه يزيـــد
تفسيره انشد عليه وف العتب جهدنا
غرورنا ينكر الواقع ونحنا عبيد
ويضيـــع فينــا امل ماتملكه يدنا
الحمل والله كبير والعلم بالله سديد
حملنــا الامانه ومانتنا نعم عهدنا
لو نعبد الله صح ونحمده نستفيد
ونرفع اكفوف الدعاء لله ماردنا
لكن تقصيرنـــا وارد يابـــن الوليـــد
لي كان من قصدنا ماكان في قصدنا
في يوم هل من مزيد يقال هل من مزيد
محســـوب هـــذا علينـــا مزحنــا جدنا
المنصب المال راح وراح فيها الفقيد
ياللاســـف مجدنــــا ياللاسف مجدنا
الجاه ونسابنا في مدح بيت القصيد
ياجهلنا مانشوف الناس من ندنا
ماندري أن التفاضل في عملنا زهيد
العمـــر في حسبته وحسابنا جردنا
اريد وانته تريد والله لـــه مايريـد
يفعل بما هو يشاء وأحكامه تسدنا
يخاطر الحس مالي عنك شان ووديد
دنياك وشوف فيها كل شي ضدنا
أعيش فيها وحيد واروح منها وحيد
ويعيدنـــا مـــن جديـــد الله ويردنـا
ياالله اسالك بعفوك وانت مالك نديد
رحمتك يالله تسعنـــا خيــر واتمدنا
اجعل لنا من جنانك ياإلاهي بديد
يالله في جنـــة الفردوس وتعدنا
م الصالحين ومع الأبرار متنـي شهيد
ومن حوض كوثر محمد تجعله وردنا
من كثر ماحس بذنوبي حرقت الوريد
كل ساعه تمر ماتوحي به اتشدنا
فكرت في مامضى واخاف يوم الوعيد
فيهـــا عمـــل يومنــا ماتجلـــه غدنــا
وصلوا على المصطفى محمد بأمر الحميد
رحمــــه مـــن الله ولله شكرنـــا حمدنـــا
رد مع اقتباس
