يا حظي المنسدح ليه مشقيني>> قم يا مال الوجع قم غيّر أحوالي
^
^
^
^
^
كلّ ما يلقى الفَرَح يمِّي طريق
لا لقى وجهي ..؟.. تكدَّر وانتحَب ...!!
كن ّ ( عيني ) صارت ف ( همّي ) بريق !
وكن ّ جوفي نار وضلوعي حطَب
والعِشِق ماهوب من حظ العشيق
وش لقينا من وراه إلا التعَب
لا لقينا صِدْق محتاج لْ صديق
والهَنا لا ذاق وعْد ولا شرَب
وما يطيح الورد من ثقل الرحيق
ما تشوف الأرض تمسك بالخشَب؟
بأسهر الليله بلا ليل ورفيق
دام غصن التّوت ما طال العنَب
مجرم الأحلام من نومي طليق
وهاجس السجّان في همّي لعَب
رحت ابطفي بالبكا نار الحريق
واثرني طفّيت عيني باللهَب !!
صاحبي ما عاد لي نفس ٍ تطيق
وماعلى المحروم من نفسه ...عتَب
إنثر اْدموعك عليّ ..( ودي أفيق ...وادري إنّي مت ّ ..).. طلبتك طلب
ليتها بسْ جت على كوني يضيق
البلا ضاقت عظامي يا عرَب !!!!
الحياة اليوم ما تسوى شهيق
كنت أبحيا .. بس.... ربي ما كتَب
وكل ما ينسد ّ في وجهي طريق
تضحك الفرحة عليّ .. بلا سبَب ...؟!
مما راق لي
رد مع اقتباس
!
