نفس الممر
بس الخطاوي ياحبيبي ..تختلف
نفس الزوايا اللي جمعتنا ف العمر
نفس الهدايا والعطر
ويمكن بعد ..نفس الصور
بس الملامح يا حبيبي.. تختلف
حتى الأغاني نفسها
نفس الرسايل والبريد
مثل المرايا ..من بعيد
ما تعكس
إلا .. وجهها
بين الحنايا والصدف
...
نفس الممر..
بس الخطاوي يا حبيبي ..تختلف
فينا اللي واقف من زمن
وفينا اللي ما عمره ..ولا مرّة وقف
نفس اللحن
بس الوتر
ما عاد به نفس الغزل
ما عاد .. ف دروبي بلل
و ما عدت أنا .. نفس الطفل
يمشي ف طريقه ويعترف
هذا أنا ..
نفس الشتا
نفس الرذاذ ورعشته
بس المعاني ..في عيوني تغيّرت
حتى الثواني في غيابك
يا حبيبي .. تبّدلت
حتى الطريق
ما عاد لي نفس الرفيق
واسأل أنا .. وين الصديق
اللي يحن ويرتجف ؟!
...
نفس الممر
بس الخطاوي .. تختلف
نفس الدروب لسكّتك
نفس السكوت ف نظرتك
بس البريق
اللي ف عيونك مختلف
وينك ..عن احساس المطر ؟!
وينك عن احزان البشر ؟!
وشوق المسافة للنظر
لما تلف وتأتلف
...
ما بيننا .. حيرة ملامح أو وطن ؟!
ويمكن حزن
يبحث عن شوية شجن
طاروا مثل هذا الحمام
ضاعوا وسط هذا الزحام
مثلي أنا ..
مثل الغنا ..في غربته
يبحث عن شوية كلام
يمكن قدر
ويمكن وتر ..يلعب على
حبال السلام
ما بيننا.. يمكن طريق
في آخر السكّة ..يضيق
ويمكن وله وأتلّمسه
يمكن حنان أتنّفسه
يمكن ألم ..وإلا وهم
والا مكان يشّدني
ويردّني مثل المطر
أمشي على نفس الممر
بس بخطاوي ..تختلف
من ما راق لى
رد مع اقتباس
!
المشاركة الأصلية كتبت بواسطة هوآجيس
